Ritið : tímarit Hugvísindastofnunar - 01.05.2017, Blaðsíða 176

175
um samsömun. Mörg verk á sviði hinsegin fræða leggja menningarpólitík
að jöfnu við eiginlega pólitík og fresta eða setja í sviga spurninguna um það
hvernig kúgun og göfgun (e. sublimation) í tengslum við kynlíf og kynver-
und mæta annars konar ofbeldi og kúgun — misnotkun í hagnaðarskyni,
mótun hugmynda um kynþætti, sköpun kvenlegrar sjálfsverundar og þjóð-
menningar. við höldum því fram að það sem sameini þessar ólíku gerðir
róttækrar gagnrýni undir hatti hinsegin fræða sé óskin um að skapa nýtt
samhengi, og ekki bara faglegt samhengi sem gerir fólki kleift að vinna að
svölum verkefnum. Fræðastörf þurfa ekki að hafa ákveðið pólitískt inntak
til að deila því markmiði að hinsegja heiminn. Það er erfitt að smíða þessar
fræðilegu og pólitísku brýr. Og mörg þeirra verkefna sem eru knúin áfram
af hinsegin metnaði kunna að virðast ófullgerð; heilt á litið eru þau hluti af
straumhvörfum sem eru víðtækari og eiga sér stað yfir lengri tíma.
Ef þess væri vænst af hinsegin umfjöllun að hún annaðhvort næði
tökum á eða felldi dóm um „pólitík“ róttækrar gagnrýninnar menningar
í þróun yrðu það óhjákvæmilega örlög hennar að mistakast og daga uppi
sem „bara kenning“ eða að festast í gremju þeirrar róttæku gagnrýni sem
ekki heyrist í að nokkru gagni. Eitt af því sem veldur álagi á hinsegin
fræðafólk í háskólasamfélaginu er að utan þess samfélags er fátt um fræði-
lega þenkjandi hinsegin almenningshópa. Eins og fjölmiðlar hins gagn-
kynhneigða meginstraums eru landstímarit samkynhneigðra – sérstaklega
The Advocate, Out, Deneuve og Ten Percent – annaðhvort ómeðvituð um
eða andsnúin hinsegin fræðum. (Undantekningar frá þessari reglu eru On
Our Backs og Girlfriends.) Og jafnvel innan fræðasamfélagsins eru spurn-
ingar um pólitíska nytsemi hinsegin fræðanna ekki alltaf settar fram í góðri
trú. Stundum er þeim ætlað að einangra fræðin frá nálgun hommafræð-
anna, sem standa í jákvæðara sambandi við ímyndaða hlutaðeigendur sína.
Í þessu samhengi leggur hinsegin umfjöllun einmitt það til málanna sem
sumir óttast: sjónarhorn og gögn sem véfengja þægindi forréttinda og
skorts á sjálfsmeðvitund.
Þó vakna stundum spurningar um pólitíska nytsemi í kjölfar raunveru-
legrar þarfar fyrir pólitískar aðgerðir. við höfum til dæmis verið spurð:
„Hvað kenna hinsegin fræði okkur um tólf spora kerfið?“ „um vald nýrra
markaða?“ „um andleg málefni?“
Hvað kenna hinsegin fræði okkur um x?
Þegar eitthvað nýtt kemur fram á sjónarsviðið vill fólk vita hvernig
það muni leysa vandamál. Þegar það er kallað fræði er þess vænst að úr því
HvAð KENNA HINSEGIN FRÆðI OKKUR UM X?