Heilbrigðisskýrslur - 01.12.1958, Qupperneq 75

73 —
1958
ertingu, sem gerði var við sig með
meira móti og virðist oft hafa líkzt
inflúenzu.
Kleppjárnsreykja. Flest tilfellin í
júlí og nóvember.
Reykhóla. Nokkur tilfelli í ágúst.
Patreksfí. Hef skráð sem inflúenzu
allmargbreytilega hitasótt. Flestir
kvarta um höfuðverk, og sumir fá væg
meningeal-einkenni. Aðrir fá uppsölu.
1 einstaka tilfellum kemur scarlatine-
formt erythem ásamt fyrrnefndum ein-
kennum. Hiti stendur í 2—4 daga.
Flateyrar. Undir inflúenzu hef ég
skráð „óspecific“ vírussjúkdóm, sem
lýsir sér með háum hita (allt upp í
40°), heiftarlegum innantökum með
niðurgangi og uppköstum, hálsbólgu
og gjarna lausu slími í lungum.
Bohingarvíknr. Enn (i ágúst) nokk-
ur tilfelli af höfuðverk og hita, sem
minna á meningitis serosa, en ég skrái
í inflúenzudálkinn, þar sem engin at-
hugun á mænuvökva hefur verið gerð.
Þessu fólki virðist batna undantelcn-
ingarlaust án meðferðar.
Hvammstanga. Gerði vart við sig um
vorið og í árslok, en var væg.
Hofsós. Nokkur tilfelli af hitaveiki
í maímánuði greindi ég sern inflúenzu.
Greiningin er vafasöm, þótt ég geti
ekki bent á aðra sennilegri.
Breiðnmýrar. 56 tilfelli skráð i ágúst
og september, en eflaust hafa miklu
fleiri héraðsbúar tekið þá pest, án
þess að kæmi til kasta læknis. Þó að
ég hafi skráð veiki þessa sem inflú-
enzu og veikindi hvers einstaks væru,
að því er virtist, greinileg inflúenza,
var gangur veikinnar ólíkur gangi
venjulegrar inflúenzu. Mjög var það
óvíða, að veiktist nema nokkur hluti
heimilismanna, og tíndi pestin þá upp
einn og einn með 7—10 daga milli-
bili. Engir alvarlegir fylgikvillar.
Eskifí. Aldrei á skrá, en grunur um
inflúenzu í ágúst, september og fyrra
hluta október. Eftirköst kvefsóttar
þóttu benda til inflúenzu. Algengast
slen og viljaleysi lengi eftir veikindin.
Margir kvörtuðu um hnakkahöfuðverk
°g stirðlcika í hálsi.
Búða. Nokkur tilfelli í janúar, fram-
hald faraldurs frá árinu áður.
Vestmannaeyja. Væg inflúenza gekk
yfir héraðið fyrra hluta vetrar. Náði
hámarki í apríl, en mun ekki að neinu
ráði hafa truflað vertíðarstörf.
Hellu. Varð lítils háttar vart i maí-
mánuði, að mestu án fylgikvilla.
Eyrarbakka. Kom hér seint í maí og
hélzt þar til í september. Fór ekki
hratt yfir og var ekki almenn.
Keflavíkur. í apríl og maí eru skráð
26 tilfelli og 75 í júli og ágúst. í júní-
mánuði mun eflaust eitthvað af þess-
um tilfellum vera skráð sem kvefsótt.
Aðaleinkenni veikinnar voru: hár hiti,
höfuðverkur, Ijósfælni, beinverkir og
stundum uppköst. Eftir 3—4 daga kom
létt kvef, roði í hálsi, nefrennsli og
conjunctivitis.
11. Heilasótt (meningitis cerebro-
spinalis epidemica).
Töflur II, III og IV, 11.
1954 1955 1956 1957 1958
Sjúkl. 12 9 76 22 51
Dánir 14 111
Enn sem fyrr eru skráð tilfelli af
heilasótt tortryggilega mörg, og verð-
ur ekki efazt um, að oft hafi verið
villzt á henni og farsótt þeirri með
heilahimnuertingu, sem frá er greint
á bls. 79—80, enda ber þvi vitni frá-
sögn lækna í þeim tveimur héruðum
(Flateyrar, Hafnarfj.), þar sem flest
tílfelli voru skráð.
Flateyrar. Svipuð tilfelli hef ég
skráð undir inflúenzu, en skrái nú
undir meningitis cerebrospinalis, þar
eð hnakka- og hryggstífleiki er nú
mun greinilegri en áður. (Hér er átt
við 9 tilfelli, sem héraðslæknir skráir
undir m. c. e. á farsóttaskrá í nóvem-
ber).
Akureyrar. Liklega ekki verið hér
á árinu, þótt sum tilfelli hins óþekkta
vírussjúkdóms, er hér gekk i septem-
ber og október, liktust henni mjög.
Vestmannaeyja. Einn starfandi
læknir skráir 3 tilfelli af meningitis
epidemica (i júli), en annar 15 tilfelli
af febrilia með sumum meningitisein-
kennunum, eins og hnakkastirðleika,
miklum höfuðverk, meningismus?, en
telur ekki undir m. c. epidemica.
10