Goðasteinn - 01.09.1997, Blaðsíða 23

Goðasteinn 1997
Nokkrir afgripum Sigurjóns í Skógasafni.
öskuburði. Sigurjón smíðaði þá aðra
túrbínu nokkru stærri. Túrbínurnar
báðar eru nú í Byggðasafninu í Skóg-
um og vitna um hagleik hins ólærða
sveitabónda.
Koparsmíði og nýsilfursmíði fór
fram í Hvammi um áratugi. I smiðju og
smíðahúsi Sigurjóns urðu til fjöld
nýsilfurbúinna tóbaksbauka úr tré og
tönn, nýsilfurbúnar svipur og beis-
liskjálkar úr nýsilfri. Hurðaskrár úr
kopar og koparlyklar urðu til eftir þörf-
um, sykurtangir úr kopar, forkunnar
fagrar, og er þá fátt eitt talið af iðn
hagleikshanda. Sigurjón var einn
síðasti koparsmiður Suðurlands og gott
er til þess að vita að til er kvikmynd af
honum í þessu starfi, tekin af Vigfúsi
Sigurgeirssyni ljósmyndara og kvik-
myndatökumanni. Steypumót Sigur-
jóns og mörg verk hans í koparsmíði
og nýsilfursmíði eru í Byggðasafninu í
Skógum.
Óhætt mun að segja að sjaldan
mætti Sigurjón þeim vanda að hann
gæti ekki ráðið við hann. Það skeði á
fyrstu árum bílaferða með Eyjafjöllum
að Óskar Sæmundsson frá Garðsauka
varð fyrir því að brjóta tönn í hjóli í
gírkassa á bíl sínum við Holtsá. Hann
fór þá fyrst heim að Holti og hringdi
þaðan til Reykjavíkur. Hann fékk að
vita að hjól af þeirri gerð sem um var
að ræða, væri ekki fyrir hendi í landinu
þá í svipinn. Vonsvikinn fór Óskar aft-
ur á fund bíls síns og stóð ráðþrota yfir
honum um stund. Brátt bar þá að reið-
mann búinn dökkri regnkápu því nokk-
urt regn var á. Þetta var Sigurjón í
Hvammi. „Hvað bagar þig nú, Óskar
minn?“ spurði hann á sinn gamal-
kunna, vingjarnlega hátt. Óskar sagði
að ekki væri gott í efni með bílinn,
brotið tannhjól og ekkert að fá í land-
inu um sinn. „Við skulum sjá hvort
ekkert er hægt að gera,“ svaraði Sigur-
jón og það varð úr að hann reiddi tann-
hjólið með sér út að Hvammi og gekk
síðan með það til smiðju. Hann byrjaði
á því að afglóða brúnina þar sem brotið
var og sagaði síðan fleyg inn í það. Þá
lá næst fyrir að smíða tönn sem passaði
við sárið og hún var brösuð í skarðið
með kopar. Hjólið fékk síðan þá herslu
-21-