Viðar - 01.01.1937, Page 182

180
ÚTDRÁTTUR ÚR SKÓLASKÝRSLUM M. M. [Viðar
kc-nndi íslenzku, bókmenntasögu, ensku og bókband. Auk þess hélt
liann nokkra fyrirlestra í dýrafræði. Ragnar Ásgeirsson kenndi grasa-
íræði og sænsku. Þórarinn Stefánsson kenndi piltum smíðar og sá um
viðgerð á öllu, sem gekk úr lagi, utan húss og innan. Þórður Krist-
leifsson kenndi söng, sönglistarsögu, söngfræði, þýzku og íslenzku.
íslenzka. Eldri deild. Setningafræði eftir Freystein Gunnarsson var
lesin, en nokkrum köflum var sleppt. Nemendur lásu og ritreglur
eftir sama höfund og voru æfðir í stafsetningu með upplestri einu
sinni í viku. Auk þess sömdu þeir 10 stíla (ritgjörðir) um efni, er
kennarinn tók til. Lestrarbók Sigurðar Nordals var höfð við kennsl-
una. Voru einkum lesin sýnishorn yngri höfunda og þá rætt um ein-
kenni þeirra og sögu.
Yngri deild. Málfræði Benedikts Björnssonar var lesin. Stafsetn-
ingaræfingar eftir upplestri voru í hverri viku, og gjörðir voru fá-
einir heimastílar. Lestrarbók Sigurðar Nordals var höfð við kennsluna.
íslenzk bókmennlasaga er kennd í fyrirlestrum. Er einn fyrirlestur
haldinn á viku. Er farið yfir alla söguna á tveim vetrum. Þennan vet-
ur var farið yfir bókmenntirnar eftir 1300.
Saga. Sögukennslunni var hagað líkt og að undanförnu. Stuðzt var
við íslendingasögu Arnórs Sigurjónssonar í báðum deildum. I yngri
deild var farið yfir fyrri part sögunnar, komizt út að Guðbrandur
Þorláksson. Auk þess fluttu margir nemendur yngri deildar erindi
um söguleg efni. í eldri deild var farið yfir seinni hlutann, mest í
íyrirlestrum. I þeirri deild fluttu nemendur einnig nokkur erindi um
sjálfvalið efni. Til sögunnar var varið 3 stundum vikulega í yngri
deild en I stund í eldri deild.
Landafræði. Eldri deild. Landafræði og mannkynssaga voru kennd-
ar saman og sérstök áherzla lögð á atvinnu- og menningarlíf þjóð-
anna. Kennt var í fyrirlestrum 2 stundir á viku. Stuðzt var við »Jor-
den« eftir Werner Werenskiold og ma'nnkynssögu eftir H. G. Wells
og P. Munch.
Yngri deild: Fram til jóla voru kennd í fyrirlestrum ýms höfuð-
atriði um himingeiminn og þróunarsagan í stórum dráttum. Seinni
part vetrar var farið yfir mestan hluta af »Lýsing íslands« eftir Þor-
vald Thoroddsen.
Skrift og teikning. Teikning var kennd þeim, er þess óskuðu. Til-
sögn í skrift fengu þeir, sem lakast skrifuðu.
Fclagsfræði. Mest kennd í fyrirlestrum og samtölum. Stuðzt við
»ÞjóðskipuIag Islendinga« eftir Ben. Björnsson, þjóðfélagsfræði eftir
Jónas Guðmundsson og hagfræði eftir C. Gide.
Heilsufræði. Kennslan fór fram í fyrirlestrum. Heilsufræði Stein-
gríms Matthíassonar var lögð til grundvallar, en ítarlegar sagt frá.