Skírnir - 01.04.1912, Page 54
150
Sjóður Margrétar Lehmann-Filhés.
alt þetta leyfi eg mér að skírskota til ritgerðar próf. Þor-
valds Thoroddsens um þessa merkiskonu í Eimr. 1911,
bls. 103—106.
En frk. M. Lehmann-Filhés lét ekki þar við lenda að
verja kröftum sínum um langt skeið ævi sinnar i þágu
íslenzkrar menningar. Hún vildi líka sjá þeim nokkurn
farborða um ókomnar aldir. Fyrir andlát sitt ánafnaði
hún Kaupmannahafnardeild hins íslenzka Bókrnentafélags
5000 kr. sjóð í því skyni, og fal þáverandi forseta deild-
arinnar, próf. Þorvaldi Thoroddsen, að kveða nánar á um
hlutverk sjóðsins. Réð hann það af, sem vel var, að
sjóðnum skyldi varið til að hlynna að þeim fræðum, sem
gefandanum höfðu verið hjartfólgnust.
Skipulagsskrá sjóðsins, sem stjórn Bókmentafélagsins
hefir nú samið og próf. Þ. Thoroddsen samþykt, mælir
svo fyrir, að af vöxtunum skuli árJega leggja einn fjórða
hluta við höfuðstólinn en verja þrem fjórðu hlutum þeirra
»til að gefa út fyrir nýjar ritgjörðir um íslenzk þjóðfræði,
þjóðsögur, venjur, lifnaðarhætti alþýðu, heimilisiðnað o. fl.
þess kyns, eður og eldri, áður óprentuð, rit og kvæði,
sem hafa þýðingu í þeim efnum«. Sjóðurinn liggur undir
stjórn Bókmentafélagsins, er sér um ávöxtun hans, birtir
árlega reikning hans og annast um útgáfu þeirra rita,
sem af honum eru styrkt.
Minningu þessara.r göfugu konu munu Islendingar
geyma í þakldátum hug. Fáir útlendingar hafa starfað
af einlægara vinarþeli í þágu islenzkrar þjóðmenningar.
B. B.