Skírnir - 01.04.1912, Page 36
132
Nokkrar ath. um isl. bókmentir á 12. og 13. öld.
hinn fróði, er mun fæddur um 1170* 1) og heíir því
verið 8 árum eldri en Snorri Sturluson. Hefir Styrmir eh
laust. borið nafn Styrmis Hermundarsonar frá Gilsbakka,
systursonar Kára ábóta, en Styrmis þessa er hvergi getið
nema í ættartölu Gilsbekkinga í Laxdælu, og heíir hann
að líkindum andast ungur.
Að Kári ábóti Runólfsson haíi verið bróðir Alfeiðar, er
Hermundur Koðransson átti, hygg eg öldungis vafalaust,
því að sonarson Álfeiðar, son Ketils ábóta Hermundarson-
ar, heitir K á r i, og mun hann fæddur um 1190 og heit-
inn eftir Kára ábóta á Þingeyrum, móðurbróður Ketils
ábóta. Þessa Kára Ketilssonar er getið í Sturl.2 I, 303
við árið 1231 og var hann þá með Klængi Bjarnarsyni í
Reykholti2). Son hans ætla eg sé sá K á r i K á r a s o n,
er ásamt Þóru Ormsdóttur móður sinni seldi Böðvari á
Stað, syni Þórðar Sturlusonar, Ytrigarða í Staðarsveit, og
hefir það líklega verið utn 1250. Er þessara kaupa getið
í gömlum máldaga frá c. 1280 um reka Helgafellsklaust-
urs fyrir sunnan heiði3 * * * * 8).
*) Guðbr. Vigfússon (Bisks. I, XX) hyggur Styrmi fæddan um 1180,
«n það mnn tæpast rétt, því að hann mun naumast hafa verið yngri en
fertugur, er hann varð lögsögumaður 1210. Það voru oftast nær eða
ávalt fremur rosknir menn og ráðnir, er trúað var fyrir jafnveglegu og
þýðingarmiklu starfi, og jafnan menn afhelztu ættum landsins. Að Styrmir
var kosinn lögsögumaður á tiltölulega ungum aldri sannar bæði, að hann
hafi verið stórættaður maður, eins og hér hefir verið sýnt fram á og
i miklu áliti þá þegar fyrir lærdóm sinn.
’) Þá var þar einnig (með Orækju Snorrasyni) V algarður
Styrmisson, er eg hygg, að verið hafi son Styrmis fróða og heitinn
eftir Valgerði föðurmóður Styrmis, konu Runólfs Ketilssonar. En auð-
vitað fullyrði eg ekkert um, að þetta sfe rétt tilgetið. Valgarður var
veginn 1233 (Sturl.* I, 316) og mun þá hafa verið fremur ungur. Hvort
sú Nereiður Styrmisdóttir, er átti son með Þórði kakala,
Styrmi að nafni (Sturl.* II, 79) hafi verið dóttir Styrmis fróða, skal
ósagt látið.
8) Sbr. ísl. Fornbréfas. II, 164. Með því að Kári Ketilsson mun
fæddur um 1190, stæði lieima, að Kári yngri væri fæddur um 1220, og
að kaupin hefðu farið fram um 1250 eða litlu síðar, því að Böðvar var
enn á lífi 1258.