Norðurljósið - 01.01.1969, Blaðsíða 49

NORÐURLJÓSIÐ
49
sína. „Ég þekkti þig af afspurn, en nú hefir auga mitt litið þig,“
mælti hann.
Þegar Drottinn Jesús hafði horft á unga manninn, sem vildi eign-
ast eilíft líf, mælti hann til hans: „Ef þú vilt vera algjör, þá far, sel
eigur þínar og gef fátækum og munt þú eiga fjársjóð á himni og
ikom síðan og fylg mér.“
Var þetta ekki gott hoð, dásamlegt tilboð, að mega fylgja Jesú frá
Nazaret, hlusta á ræður hans, horfa á kraftaverk hans, taka þátt í
að þjóna honum? Getur æskan 'kosið no'kkuð æðra og betra?
Hvenær hefir það heyrzt, að fólk, sem á ungum aldri, heyrði kall
Krists, kom til hans og þjónaði honum langa ævi eða skamma, hafi
á dánardægri iðrazt þess, að það kaus Krist? Aldrei, aldrei. Lífið
hér á jörð býður ekki upp á nokkurt betra hlutskipti en það, að
fylgja Drottni Jesú trúlega alla ævi. Unga manninn hefði aldrei
iðrað þess, að velja þjónustu Krists.
En hann valdi ekki Krisl. Iíann átti miklar eignir. Hann gat ekki
séð af þeim. Án þess að hann vissi, var fégirnd í hjarta hans. „Fé-
girndin er rót alls þess, sem illt er,“ segir heilög ritning. Lífið í henni
veröld gömlu væri heldur öðru vísi en það er, ef enginn væri fé-
gjarn. Skuggahliðar vestrænnar menningar eru reistar á grund-
velli fégirndar. Drykkjukrárnar, ólifnaðarhúsin, saurlífisritin og
saurugar kvikmyndir, okurleigan, kaupkúgunin og ósanngjarnar
kaupkröfur — allt þetta á fégirndina að móður og eðlisspillingu
mannsins sem föður. Og hér mundi meistari Jón hafa kveðið fast-
ar að orði.
Og Nikódemus, hvað hann hlýtur að hafa hrokkið við, þegar
lærimeistarinn frá Guði sagði við hann: „Sannlega, sannlega segi
ég þér: Enginn getur séð Guðs ríki, nema hann endurfæðist.“ Hvaða
kenning var þetta? Var tíundargjaldið, tveggja stunda dagleg bæn
og tveggja daga fasta í viku allt til einskis? Hvað eiginlega var
það meira, sem hann vantaði? Endurfœðingu, sagði Kristur. „Það,
sem af holdinu er fætt, er hold, og það, sem af Andanum er fætt,
er andi.“ Þetta var hulið Nikódemusi óður, þótt hann væri ráð-
herra og lærimeistari í ísrael, góður, bænrækinn maður.
Áheyrendurnir mínir góðu, skiljið þið þessa kenningu Krists?
Má ég reyna að skýra hana? í raun og veru segir hann: Til eru tvö
ríki: mannríkið og Guðs ríkið. Til að komast inn í mannríkið verða
menn að fæðast af mannlegum foreldrum. Engin dýr, hve göfug,