Norðurljósið - 01.01.1969, Blaðsíða 134
134
NOKÐURLJOSIÐ
óskir yðar kunnar Guði, með bæn og beiðni ásamt þakkargerð.“
Við megum kunngera Guði óskir okkar með bænum og beiðnum
og Ieggja mál okkar alveg í hönd hans. Allt, sem er í þessum ósk-
um, bænum og beiðnum eftir vilja hans, það mun hann veita okkur
fyrr eða síðar.
Sá tími kom, að ég veitti athygli 1 Kor. 12.9., að heilagur Andi
veitir trú. Það er ein af náðargáfum hans. Þar sem okkur er boðið
að sækjast eftir náðargáfunum þeim hinum meiri (1 Kor. 12.31.)
Þá tók ég að sækjast eftir þessari náðargáfu og bað Guð heilagan
Anda að veita mér hana, þar sem það er hann, sem útbýtir náðargjöf-
unum eftir vild sinni. Ef ég því að einhverju leyti hefi meiri trú en
almennt gerist hjá fólki Guðs, þá er það ekki mér að þakka, heldur
Anda Guðs. En það er misjafnt hjá mér, hve trúin er sterk. Hún var
mjög veik, þegar við hjónin hófum að byggja húsið okkar. En Guð
hefir kosið að gera sig dýrlegan með því að svara bænum og senda
hjálp og fé, unz það er komið svo áleiðis, sem allir geta séð, er sjá
það.
Svarið við spurningunni: „Hverriig get ég öðlazt meiri trú?“
verður þá þetta: Með því að hlýða Guði, fara nákvæmlega eftir
fyrirmælum hans, þá sýnum við trúna í verki. Með því að kunngera
Guði í öllum hlutum óskir okkar, ekki kröfur, þá sýnum við trú í
undirgefni við vilja Guðs. Og með því að biðja heilagan Anda Guðs
um trú, getum við öðlast hana sem náðargjöf frá honum. En hann
er þar alveg einráður og mun ekki veita hana, sé nokkurt markmið
okkar með bæninni annað en það: að upphefja Drottin Jesúm Krist,
gera hann dýrðlegan og föðurinn, sém sendi hann......
Með kærri kveðju í Drottni Jesú Kristi, bróðurlegast,
Sœmundur G. Jóhannesson.
Moody þráði að eignast meiri trú og bað Guð uin hana lengi, ár-
angurslaust. Þá beindi Drottinn athygli hans að Róm. 10. 17.: „Svo
kemur þá trúin af boðuninni, en boðunin byggist á Orði Krists.“
Upp frá því gaf Moody sig meir að orði Guðs. Þá tók að vaxa trú
bans. Við getum farið eins að.