Eimreiðin - 01.07.1939, Qupperneq 108

340
FORNIUTAÚTGÁFAN
EIMREIÐIN
un greinarhöfundar heldur hitt, að tilgangurinn með stofnun
félagsins hafi verið sá að hlynna að einstökum mönnum, sem
forgöngumenn hafi borið fyrir brjósti. Mætti þá ætla að út-
gáfan hefði að mestu lent hjá söinu mönnum, sem reyndar
liefði ekki verið fjarri sanni af þeim sökum, að ineð æfingu
verða menn færari til þessa starfs sem annara starfa. En sann-
leikurinn er sá, að þau bindi, sem út eru komin (6) og hin,
sem byrjað er að vinna að (3), samtals 9 bindi, skiftast á 7
útgefendur. Búið er að ráða menn til útgáfu 2ja liinda að auki,
og eru það nýir menn í starfinu. Verða þá 9 útgefendur uni
11 bindi. Er því sízt hægt að saka útgáfustjórnina um það, að
hún haldi útgáfustarfinu óhæfilega að „fáum útvöldum mönn-
um“. Fremur mætti segja, að fullmikið væri að því gert að skifta
um útgefendur, en til þess liggja ýms rök, sem óþarft er að
telja hér.
Að lokum vil ég víkja að einni umkvörtun, sein er alltíð,
þeirri, að ritin komi of dræmt út. En til þess liggja ýms rök, að
ekki er unt að svo stöddu að láta ritin koma öllu örar út en gert
hefur verið. Höl'uðástæðan er sú, að félagið skortir fjármagn
til þess, enda er ríkissjóðsstyrkurinn miðaður við eitt bindi á
ári. Önnur ástæða veigamikil er kaupgeta almennings. Fyrst
fjölda manna telst ofvaxið að leggja af mörkum andvirði eins
bindis á ári, má nærri geta livort þeir yrðu ekki ærið margir,
sem ekki gætu leyft sér að kaupa tvö bindi árlega. Fleira keniur
hér til greina, en þetta nægir.
Ég vona að það sé ljóst af því, sem ég hef þegar sagt, að
markmið stjórnar Fornritafélagsins er það eitt að láta þjóð-
inni í té sem vandaðasta útgáfu fornritanna og selja hana við
eins vægu verði og framast er auðið. Gjarna vildum við selja
ritin ódýrara en nú er kostur, en eina ráðið til þess, annað en
aukinn opinber styrkur, er að þjóðin fylki sér um félagið og
styðji það með því að kaupa Fornritin enn almennar en nú er
gert, enda þótt félagið þurfi alls ekki að kvarta undan sölunni,
eins og hún hefur verið til þessa, miðað við sölu bóka yfirleitt.