Tímarit Máls og menningar - 01.09.1988, Side 25

Ólafur Gunnarsson
Snæljónin
Til Flóru Guðlaugsdóttur, sem fæddist á Akureyri 3. mars sl.
Þessi saga segir frá því hvernig eitt hænuegg er valt varð til þess að
ljónin breyttu um lit.
Það var eitt sinn að egg valt út um dyr á hænsnakofa uppi í Mos-
fellsveit og staðnæmdist á milli tveggja stórra steina. Scháferhundur-
inn á bænum sem lá sofandi í sólinni vaknaði og mundi að hann
þurfti að fara í eftirlitsferð yfir að hænsnakofanum. Þetta var hann
vanur að gera oft á dag, hænsnunum til mikils ama. A sömu stundu
kom starri fljúgandi og settist á rafmagnsstaur og víkur nú sögunni
til Afríku þar sem ljónin búa.
Það gerðist að storkurinn gekk fyrir ljónið og konungur dýranna
spurði tíðinda af norðurslóðum. Ég er með fréttir af Islandi, sagði
storkurinn og ég er viss um að yðar hátign mun þykja þær ansi
ósennilegar. Ég frétti þetta af kríu í Egyptalandi sem hafði heyrt það
hjá maríuerlu sem hún hitti þegar þau hvíldu sig bæði á sama olíu-
skipinu og maríuerlan hafði fréttina frá heiðargæs og gæsin hafði
spurt það hjá silungi og silungurinn sagði að fiðrildi hefði sagt sér
þetta og fiðrildið hafði tíðindin frá starra sem sá það sjálfur og sór
að það væri satt.
- Nú, segðu frá, sagði konungur dýranna, ég veit að starinn er
áreiðanlegur fugl.
-Það er víst Scháferhundur á Islandi sem er svo mikil skræfa að
hann er hræddur við hænu. Hann sást hopa fyrir henni.
Konungur dýranna leit nú á storkinn til að gá hvort storkinum
væri alvara. Storkurinn tvísté taugabilaður undir augnaráði hans há-
tignar og þegar ljónið sá að hann var að segja satt lagði það höfuðið
fram á hramminn og stundi mæðulega.
Scháferhundur á Islandi er hræddur við hænu! Scháferhundur á
279