Tímarit um menntarannsóknir - 01.06.2012, Qupperneq 63

63
Nýja stærðfræðin í barnaskólum
annarra School Mathematics Project, SMP,
sem notað var hérlendis um skeið (Cooper,
1985).
Ýmsir háskólar í Bandaríkjunum höfðu
fengist við tilraunir með endurnýjun
námsefnis í stærðfræði. Fyrsta tilrauna
námsefnið var unnið við Háskól ann í Illin-
ois, University of Illinois Committee on
School Mathematics, UICSM. Námsefni
School Mathematics Study Group, SMSG,
sem stýrt var af Edward Begle við Yale-há-
skóla, átti eftir að hljóta mikla útbreiðslu
og vera þýtt á mörg tungumál.
Sovétmenn skutu upp Sputnik-geim-
farinu árið 1957. Það vakti umræðu um
þörf á endurbótum á stærðfræði- og
tæknimenntun í Bandaríkjunum. Nokkur
þróunarverkefni voru þegar tilbúin til út-
breiðslu er Eisenhower Bandaríkjaforseti
lét setja lög árið 1958, National Defence
Education Act, um stóraukin framlög til
námsefnisgerðar í stærðfræði, náttúru-
vísindum og erlendum tungumálum.
Haldin var mikilvæg ráðstefna í Woods
Hole í Massachuchetts í Bandaríkjunum
í september 1959. Forseti ráðstefnunnar
í Woods Hole var Jerome Bruner og ráð-
stefnan var hin fyrsta þar sem prófessorar
í stærðfræði, náttúruvísindum, sálfræði og
uppeldisfræði leiddu saman hesta sína þar
í landi (Kristín Bjarnadóttir, 2006).
Bruner lagði sálfræðilegan og náms-
kenningalegan grunn að endurskoðunar-
stefnunni í Bandaríkjunum með túlkun
sinni á kenningum Jean Piagets og með
frægri staðhæfingu í bók sinni, The Process
of Education, sem var jafnframt skýrsla um
ráðstefnuna:
Sérhverja námsgrein má kenna hvaða barni sem
er á hvaða þroskastigi sem er, á skilvirkan hátt og
heiðarlega frá menntunarlegu sjónarmiði1 (Bru-
ner, 1966, bls. 33).
Síðar á sama ári, í nóvember 1959, var
haldin ráðstefna í Royaumont í Frakklandi
á vegum OEEC2, undanfara OECD3. Til
fundarins voru boðaðir a.m.k. þrír fulltrú-
ar frá hverju aðildarlandi OEEC, auk full-
trúa frá Bandaríkjunum, Kanada og Júgó-
slavíu. Fulltrúarnir þrír skyldu vera stærð-
fræðingur, fulltrúi menntamálayfirvalda
eða kennaramenntunar og framúrskarandi
stærðfræðikennari. Enginn þátttakandi
var sendur frá Íslandi. Segja má að ákveðið
hafi verið í orði kveðnu að auka veg hag-
nýttrar stærðfræði, en í raun var ákveðið
að fylgja stefnu Dieudonné, talsmanns
hóps franskra stærðfræðinga sem kenndi
sig við Bourbaki. Bourbaki-hópurinn
fékkst við að endurrita alla þekkta stærð-
fræði á samræmdu máli mengjafræði og
rökfræði. Niðurstöður ráðstefnunnar voru
að mæla með því að setja skólastærðfræði
fram með táknmáli mengjafræðinnar, að
auka veg algebru, draga úr hefðbundinni
rúmfræðikennslu og taka upp kennslu í
tölfræði og líkindareikningi. Upphaflega
var ætlunin að námsefnið tæki til nemenda
í framhaldsskólum sem stefndu á nám
í stærðfræði og náttúruvísindum. Fram
kom þó á ráðstefnunni að kynna þyrfti
hugmyndir nýju stærðfræðinnar þegar
á barnaskólastigi til þess að kenna mætti
reikniaðgerðir í heilum tölum og brotnum
ásamt sætistalnarithætti á raunsæjan hátt
1… any subject can be taught efficiently in some
intellectually honest form to any child at any stage
of development.
2Organization for European Economic Development.
3Organization for Economic Co-operation and Develop-
ment.