Tímarit um menntarannsóknir - 01.06.2012, Blaðsíða 68

68
Kristín Bjarnadóttir
hófust flesta daga kl. 20.
Þættirnir eru ekki lengur til og allt sem
segja má um þá er háð minni viðmælenda.
Hefð var fyrir tungumálakennslu í útvarpi
og þennan vetur fór til dæmis fram ensku-
kennsla í sjónvarpinu síðdegis á laugar-
dögum. Yfir 92% 10–14 ára barna í Reykja-
vík og Vestmannaeyjum svöruðu því til
í félagsvísindalegri könnun að sjónvarp
væri til á heimilum þeirra en sjónvarp náði
þá einungis til Suður- og Suðvesturlands
(Þorbjörn Broddason munnleg heimild,
23. ágúst 2010).
Höfundur þessarar greinar hafði ekki
sjónvarp og gat aðeins fylgst með fáeinum
þáttum, en af miklum áhuga, sem há-
skólanemi í stærðfræði og kennslufræði.
Flestir þeir sem áttu sjónvarp á þessum
tíma, foreldrar og kennarar, eru nú komnir
yfir sjötugt og þeir og börn þeirra, sem
þá voru á unglingsaldri, eru þeir sem eru
líklegir til að muna efni þáttanna. Þeirra
á meðal eru Valbjörn (munnleg heimild,
28. ágúst 2010), Jónas (munnleg heimild 2.
september 2010), Gunnur (munnleg heim-
ild 3. september 2010) og Jóna (munnleg
heimild 4. mars 2011) sem minnast þess
ásamt höfundi að efnið var nátengt bók
Guðmundar, Tölur og mengi; um tölur,
deilanleika talna, prímtölur, frumþáttun
og talnaritun í sætiskerfi með mismunandi
grunntölum eins og 6, 8 og 2. Sérstaklega
var minnst á tvíundakerfi með tilliti til
nýrrar tölvutækni. Síðan komu skilgrein-
ingar á mengjaaðgerðum, opnum yrðing-
um, leiðingum og neitun, inngangur að
mengjaalgebru og fleira í framhaldi af því
(Guðmundur Arnlaugsson, 1966).
Þættirnir hlutu góða dóma í dagblöðum
og öðrum miðlum. 1. mynd fylgdi dagskrá
sjónvarpsins í einu dagblaðanna ásamt því
að þættir Guðmundar hefðu mælst mjög
vel fyrir og margir hefðu þóst verða ein-
hvers vísari um nýju stærðfræðina (Þriðju-
dagur. Sjónvarp, 1967). Sjónvarpstíðindi
voru vikulegur bæklingur sem var dreift
meðal sjónvarpsnotenda. Þar var tvisvar
minnst sérstaklega á þættina um nýju
stærðfræðina þar sem fram kom að þætt-
irnir væru afbragðsgóðir og Guðmundur
virtist vera fæddur sjónvarpsmaður
(Spjall, 1967a; 1967b). Fyrsti þátturinn um
tölur og mengi hefði verið sérstaklega
áheyrilegur og skýrt og skilmerkilega fram
settur. „Vitum við um ýmsa sem ekki hafa
gaman af tölum og talnafræði, en höfðu
samt hina beztu skemmtan af þessu spjalli
Guðmundar“ (Spjall, 1967a).
Viðmælendurnir Valbjörn, Gunnur og
Jóna voru öll fædd árið 1952 og sátu í lands-
prófsbekk þennan vetur þar sem námsefni
þetta var kennt. Jónas, sem var ári yngri,
fylgdist einnig grannt með þáttunum. Það
gerðu feður þeirra Valbjörns og Jónasar
líka en ekki mæður þeirra. Efni þáttanna
hefur hentað þeim vel sem voru að búa
sig undir landspróf og menntaskólanám
og lásu kennslubókina Tölur og mengi
sem þá var kennd í mörgum skólum í til-
raunaskyni og var tekin upp árið eftir sem
námsefni fyrir alla til landsprófs. Valbjörn
mundi vel eftir tvíundakerfinu og mengja-
algebrunni og leiðingarnar voru honum
opinberun. Bekkjarfélagi Valbjörns, Jóna,
man að kennari þeirra ræddi efni þátt-
anna í kennslustundum, og Jóna, Jónas
og Gunnur minnast þess að eldri systkini
þeirra, sem voru þá komin í menntaskóla,