Heilbrigðisskýrslur - 01.12.1944, Síða 52
50
Rvík. Vitað um 8 sjúklinga, séu allir taldir, er leitað hafa læknis i
héraðinu á árinu og veikinnar hefur orðið vart í. (Enginn skráður á
mánaðarskrá). Af þeim dóu 5 á árinu, og i 4 þeirra er sullaveikin talin
aukasjúkdómur, en aðaldánarorsök önnur. 5 af sjiiklingunum voru
yfir 60 ára, einn milli 50 og 60 ára, einn milli 40 og 50 ára og einn
innan við fertugt. Helmingur sjúklinganna átti heimili utan bæjar.
Borgarnes. Hef gamlan mann grunaðan um sullaveiki. Skorinn á
stúdentsárum mínum á Landakoti vegna sulls, en ég er hræddur um,
að eitthvað sé eftir enn. Hundahreinsanir fara árlega fram.
Dala. Hundar hreinsaðir að venju og auk þess hafðir í gæzlu á
slátrunarstöðum eins og árið áður.
Hóls. Sullaveiki engin. Hundahald eins og áður og' hundahreinsun
farið fram.
ísafj. Enginn sjúklingur. Þó er fullorðna féð meira og minna sulla-
veikt, þrátt fyrir alla hundahreinsun, sem ekki er að sjá annað en sé
sæmilega af hendi leyst.
Ögur. Ekkert tilfelli skráð, en 2 deyja í héraðinu á árinu, þar af
annar skráður á ísafirði, og 2 deyja utan héraðs.
Hólmavíkur. Kona skorin tvisvar áður vegna lifrarsulls. Fór ti!
Reykjavíkur —• en kom aftur við svo búið. Er orðin 84 ára. Hunda-
hreinsun fer fram í öllum hreppum. Sulla gætt vel í sláturhúsum.
Lítið um sulli í fé.
Blönduós. Hefur ekki gert vart við sig, en maður sá, sem um getur
i síðustu ársskýrslu, gengur með fistil inn i lifur, þar sem enn er tals-
vert kalk að finna, en ekki Iaust.
Ólafsfj. Skömmu eftir nýár veiktist maður með háum hita og gulu,
og áleit ég hann hafa cholangitis og cholecystitis. Fékk hann mörg
köst og' var loks sendur til Siglufjarðar á sjúkrahús. Var hann þar
skorinn eftir nokkra legu. Reyndist hann þá hafa grafinn sull, mjög
stóran, en kom samt ekki fram á röntgenmynd. Hjarnaði sjúkling-
urinn furðu fljótt við.
Akuregrar. Engir nýir sjúklingar bætzt við á árinu.
Vopnafj. Hundahreinsun einu sinni á ári. Sulla verður lítið vart
annarra en netjusulla.
Seyðisfj. Hefur ekki gert vart við sig hér í læknishéraðinu, síðan
ég kom hingað 1926. Hundahreinsun fer alltaf fram haust og vor, og
gætt er þess af fremsta megni að halda hundum frá sláturhúsum og
sullir allir teknir og brenndir. Ekki eins auðvelt að hafa aug'a með
heimaslátrun, en almenningi er kunnugt um hættu þá, sem stafar af
hundum í því sambandi.
Hornafj. 84 ára maður úr Lóni með echinococcus hepatis. Dó seint
á árinu.
Vestmannaeyja. Engin sullaveiki. Aðeins örfáir hundar hér. Sulla
verður lítt eða ekki vart í sláturfé síðari árin. Vanki í sauðfé heyrist
ekki nefndur.
Rangár. 1 sjúkl. skráður, aldraður karlmaður. Dó eftir uppskurð.
Keflavikur. Aðeins um gamla sjúklinga að ræða. Flestir áður
skornir.