Heilbrigðisskýrslur - 01.12.1944, Qupperneq 61

59
FáskrúðsJJ. Algeng. Mörg tilfelli á ári hverju.
Bernfj. 2 tilfelli.
Síðu. 15 ára stúlka var búin að liggja með hita, uppköstum og
verkjum í kviði í 2 sólarhringa, er mín var vitjað. Batnaði við lyf-
læknisaðgerð.
Mýrdals. 1 sjúklingur.
Vestmannaeyja. Aðgerð ævinlega í byrjun kasts.
Grimsnes. Nokkur tilfelli, öll skorin í Reykjavík.
7. Atresia vaginae. Haematometra.
Fáskrúðsfj. Um miðjan september var min vitjað til færeyskrar
stúlku, 19 ára, sem var þjónustustúlka hér í kauptúninu. Hafði hún
óþolandi kvalir neðan til í abdomen og' „niður um sig alla“, eins og
hún komst að orði. Enginn hiti eða önnur einkenni. Við athugun
kom í Ijós grjótharður og allaumur tumor, sem náði frá symphysis
upp undir umbilicus, þverhandarbreiður, vel hreyfanlegur. Lét flytja
stúlkuna heim til mín, þar sem auðveldara var að athuga hana nán-
ara (möguleika fyrir graviditas neitað rnjög ákveðið). Við skoðun
þar kom í ljós rauður, spenntur tumor, sem fyllti alveg út í vagina
og vulva. Tumor þessi var aumur viðkomu, óhreyfanlegur, og virtist
standa í sambandi við turnor í abdomen. Hymen ekkert. Stúlkan
lcvaðst aldrei hafa haft á klæðum, en oft haft verki og óþægindi
neðan til i kviðnum, og fór það mjög vaxandi, einkum síðustu mán-
uðina; að öðru leyti alltaf hraust og heilsugóð. Við ástungu tæmdist
út mikið, dökkleitt blóð, en við það hvarf tumor. Stúlkan var send til
Akureyrar, og var þar gerð operatio með góðum árangri.
8. Avitaminosis.
Dala. C-avitaminosis 1 tilfelli, 19 ára piltur, sem um tíma hafði
lifað á nokkuð „ströngum diaet“ vegna magasárs. Rachitis 1 tilfelli,
2 ára barn.
Flateyrar. Ég hef ekki orðið var fjörefnaskorts í Önundarfirði á
þessu ári, en 2 beinkramarsjúklinga og 4 skyrbjúgssjúklinga fann ég á
Suðureyri.
Hóimavíkur. Vafalaust ti!, einkum við sjávarsíðuna á Selströnd.
Er það einkum B og C, sem virðist vanta — og einnig A og D sums
•slaðar. Er það ekki furða, þar sem kaffigutl og hveitibrauð með
smjörlíki er aðalfæðan. Mjólk og garðávextir af mjög skornum
skammti. Lýsisnotkun nokkuð að aukast.
Blönduós. Hér sem annars staðar fá ýmsir slen, þegar á veturinn
líður, einkum konurnar og skólakrakkarnir, og nota ég í seinni tíð
mikið við því járnblöndu með lifur og fjörefnum. Allmikið mun vera
um leyndan fjörefnaskort að ræða, sem ráða má af diagnosis ex juvan-
tibus, sérstaklega á börnum. Tel ég þó, að þetta muni heldur vera
minnkandi, sem sjá má af minni tannskemmdum í skólabörnum,
enda er nú varla neins staðar um skort hjá ahnenningi að ræða.
Beri-berieinkenni hef ég ekki séð nú um hríð.
Olafsfj. 3 tilfelli af beinkröm, en væg. Grun hef ég um fleiri dulin
tilfelli.