Heilbrigðisskýrslur - 01.12.1944, Page 66
64
23. Osteomyelitis.
Dala. 9 ára gamall drengur veiktist skyndilega með köldu, háum
hita, 40,5°, og miklum þrautum í vinstra fæti, fyrst einkum i mjöðm
og kné. Ég kom til hans 3 dögum síðar, og hafði líðanin þá verið
óbreytt frá byrjun, um og yfir 40°, mikil vanlíðan, stundum óráð, en
þrautirnar voru nú aðallega í öklalið, sem hann gat alls ekki hreyft.
Drengurinn var, þegar ég kom, fölur og veikindalegur. Hiti 39,8°, mikil
bein og óbein eymsli og sársauki í vinstra öklalið, sem var algerlega
fixeraður, roði og þroti yfir malleolus medialis og náði dálítið upp
á legg'inn. Eg taldi einsýnt, að hér mundi vera um osteomyelitis acuta
að ræða. Erfitt var að koma drengnum þá þegar á sjúkrahús, og tók
ég það ráð að immobilisera fótinn um öklalið með spelkuumbúðum
og gefa síðan súlfaþíazól per os í stórum skömmtum. Þetta gaf svo
góða raun, að drengurinn var mun betri strax næsta dag, og fór
honum batnandi úr því. Eitthvað 3 vikum síðar fór hann að klæðast,
og 5 vikum siðar sá ég hann við skólaskoðun. Var hann þá jafn-
góður að mestu, en aðeins þreyttist hann fyrr í fætinum við gang.
Hreyfingar i öldalið eðlilegar og sársaukalausar; yfir malleolus
medialis var húðin á rúmlega gómstórum bletti vaxin við beinið, og
þar var finnanleg't og sýnilegt herzli, en engin eymsli. Drengurinn
var vel hress og frísklegur.
24. Ostitis fibrosa.
Síðu. Drengur 11 ára með ostitis fibrosa femoris var skorinn i
Landsspítalanum síðast liðið sumar og er nú fullfriskur.
25. Oxyuriasis.
Borgarnes. 4 tilfelli.
Hólmavikur. Víst alltaf nokkur tilfelli, einkum i börnum.
Blönduós. 1 seinni tíð nota ég gentíanvíolet og tel það reynast bet-
ur en hin eldri lyf.
Ólafsfi. Árlega nokkur tilfelli, helzt börn.
Höfðahverfis. Frekar lítið um þenna kvilla. Mín leituðu 7 sjúklingar
hans vegna.
Þistilfj. 1 tilfelli: fullorðinn maður, sem hafði gengið með þetta ár-
um saman og ekki batnað, þó að margt væri reynt. Samkvæmt til-
rnæluin Valtýs læknis Albertssonar reyndi ég gentíanviolet-töflur með
ágætum árangri.
Fáskrúðsfj. Talsvert um þann kvilla hér.
Berufj. Nokkur tilfelli.
Mýrdals. Nokkur tilfelli.
Vestmannaeyja. Talsvert algengur kvilli í börnum og fullorðnum.
26. Paralysis agitans.
Ólafsfj. 1 öldruð kona; fer heldur versnandi.
Fáskrúðsfj. 2 tilfelli, miðaldra kona og roskinn maður.
27. Phthirius inguinalis.
Borgarnes. 4.