Heilbrigðisskýrslur - 01.12.1944, Qupperneq 121
119
E. Manneldisráð ríkisins.
Á árinu var undirbúin löggjöf um manneldisráð sem fasta stofnun
„heilbrigðisstjórninni til ráðuneytis um þau mál, er að manneldi lúta,
og (til að) gera tillögur um framkvæmdir rannsókna á því sviði.“ Lög
þessi náðu ekki samþykki alþingis fyrr en í ársbyrjun næsta árs.
F. Sumardvöl kaupstaðarbarna í sveitum.
Héraðslæknar víkja ekki sérstaklega að þessari starfsemi, en í
skýrslum Rauðakross íslands er þess getið, að á vegum hans hafi
verið rekin 7 sumardvalarheimili í sveitum og samtals vistuð á þeim
ö87 börn. Auk þess ráðstafaði Rauðakrossinn í samráði við foreldra
og aðstandendur nokkrum börnum til sumarvistar á sveitaheimilum.
G. Drykkjumannahæli í Kumbaravogi.
Úr skýrslu hælisnefndar, dags. 23. marz 1945.
Hælið tók til starfa 20. marz 1942. Var rekið af Stórstúku íslands
I. O. G. T. til ársloka 1943. Samkvæmt lögum um heilsuhæli fyrir
drykkjumenn nr. 108 30. des. 1943 tók ríkið við rekstri hælisins 1.
janúar 1944. Þriggja manna stjórnarnefnd undirbjó stofnun hælisins á
vegum Stórstúkunnar og hefur veitt því forstöðu frá upphafi. Læknir
hælisins hefur verið Alfred Gíslason, geðveikralæknir. 18 menn voru
hrottskráðir af hælinu til síðustu áramóta. Voru 3 haldnir geðveiki
óviðkomandi áfengisnautn og látnir fara, þegar það varð ljóst. Koma
þeir því eigi til greina, þegar meta skal árangur af starfsemi hælisins.
Einn vistmanna var haldinn áfengisgeðbilun þeirrar tegundar, sem
talin er ólæknandi. Nokkrir af þeim 14, sem enn eru ótaldir, virtust
haldnir meðfæddri geðveilu. en nánari skilgreining á þeim verður
ckki gerð að sinni. Þessum 14 mönnum má skipta í 4 flokka þannig:
I. flokkur: 2 revnzt algerir bindindismenn (14%%). Hælisvist annars
(samkvæmt dómi) 15. apríl 1943—25. janúar 1944, hins (af frjáls-
um vilja) 11. desember 1943—24. ágúst 1944. II. flokkur: 6, lítil
áfengisneyzla, stundað vinnu nokkuð stöðugt (42%%). III. flokkur:
3, allmikil áfengisneyzla, stundað vinnu betur en áður (21%%). IV.
flokkur: 3, enginn árangur sýnilegur (21%%). Að lokum leggur
nefndin til, að hælið verði flutt frá Kumbaravogi og því fenginn fram-
búðarstaður að Kaldaðarnesi í Flóa.
H. Fávitahæli á Kleppjárnsreykjum.
Á þessu ári hóf ríkið rekstur ca. 20 rúma fávitahælis á Kieppjárns-
reykjum í Reykholtsdal, en niður var lagt fávitahæli á Sólheimum í
Grímsnesi, sem frk. Sesselja Sigmundsdóttir hefur rekið þar sem
einkastofnun síðan 1930. Hinn 13. febrúar voru fluttir 12 fávitar frá
Sólheimunr að Kleppjárnsreykjum, en 6 29. sept. um haustið; 2 konm
annars staðar frá. Voru þetta 11 piitar og 9 stúlkur á ýmsum aldri.
Vistdagar urðu samtals 4815.