Heilbrigðisskýrslur - 01.12.1944, Blaðsíða 180
178
þó að ekki sé yfirleitt áberandi ölvun á almannafæri, nerna helzt í
sambandi við skemmtanir.
Höfðahverfis. Áfengisnautn lítil. Kaffiskammturinn mun notaður
upp að mestu eða alveg í kauptúninu, en ekki á öllum sveitaheimil-
um. Töluvert notað af tóbaki, mest reyktóbaki. Þó nokkrir ungir
menn nota ekkert tóbak.
Vopnafj. Áfengisnautn er hér ekki svo, að umtali taki. Kaffi- og
tóbaksnotkun svipuð og verið hefur. Kvenfólk sést sjaldan reykja,
og karlmenn virðast ekki nota tóbak öðru vísi en hóflega.
Seijðisfj. í kaupstaðnum er útsala frá Áfengisverzlun ríkisins fyrir
allt Austurland. Selst mun hafa vín fyrir allt að % úr milljón. Mestur
hluti þess víns selst út úr kaupstaðnum. Nokkrir tryggir viðskipta-
vinir munu þó vera í bænum. Drykkjuskapur er ekki áberandi. Kaffi-
skammturinn mun víðast hvar vera drukkinn upp. Tóbaksnautn er
efalaust svipuð hér og annars staðar .
Berufj. Drykkjuskapur hér enginn, að heita má, nema í sambandi
við skemmtanir, en þá er oft drukkið fast, og vilja róstur hljótast af.
Kaffi þykir flestum g'ott, og er jiað mikið drukkið. Tóbaksnautn er
allmikil, einkum vindlinga.
Síðu. Áfengisnautn lítil, en talsvert er tekið í nefið.
Vestmannaeijja. Drykkjuskapur of mikill. Miklu eytt hér í áfengi
til heilsutjóns og skaða. Vindlingareykingar unglinga og fullorðinna
miklar og til bölvunar og heilsutjóns. Kaffiskammturinn hrekkur
víða skammt.
Grímsnes. Áfengisnautn er hér lítil nema helzt á samkomum að
sumrinu.
8. Meðferð ungbarna.
Ljósmæður geta þess í skýrslum sínum (sbr. töflu XIII), hvernig
2999 börn af 3064 lifandi fæddra barna, sem skýrslurnar ná til, voru
nærð eftir fæðinguna. Eru hundraðstölur, sem hér segir:
Brjóst fengu .......................... 91,4 %
Brjóst og pela fengu ........................... 4,4 —
Pela fengu ..................................... 4,2 —
í Reykjavík líta tölurnar þannig út:
Brjóst fengu .......................... 97,4 —
Brjóst og pela fengu ........................... 1,6 —
Pela fengu ..................................... 1,0 —
Læknar láta þessa getið:
Borgarfj. Mun vera i sæmilegu lagi. Flest börn fá brjóst og mörg
lýsi.
Borgarnes. Meðferð ungbarna góð. Pési heilbrigðisstjórnarinnar til
mikils gagns og þæginda.
Ólafsvíkur. Meðferð ungbarna þolanleg, þó með undantekningum.
Dala. Góð.
Flateyrar. Meðferð góð og almennur áhugi mæðra á þvi að afla sér
sem beztrar þekkingar á þessu sviði.