Heilbrigðisskýrslur - 01.12.1944, Side 194

192
hátt hef getað haft not af því eftirliti, sem ég efast þó ekki um, að hafi
verið framkvæmt og að einhverju leyti komið að gagni. En ég /uZZj/rði,
að hefði fólk það, sem þarna starfar, verið í samvinnu við mig og
undir minni stjórn, hefði þess orðið miklu mciri not. Ekki var upp-
kast heilbrigðissamþykktarinnar tekið fyrir á þessu ári. Hef ég orðið
fyrir miklum vonbrigðum í þeim efnum, og fyrir mitt leyti tel ég það
alls ekki vansalaust fyrir heilbrigðisnefndina að hundsa svo jafn
mikilvægt heilbrigðismál. Ekki er hægt að segja, að nefndin hafi ekki
haft nægan tíma til að sinna málinu, því að varla getur tæpra 8 stunda
vinnutími á ári talizt svo mikill, að ekki hefði þess vegna mátt leggja
á nefndina meiri vinnutíma. Ég hef því miður ekki getað sótt alla
fundi nefndarinnar, og veldur þar um mestu, að ég hef ekki fengið
því framgengt, þrátt fyrir ítrekaðar tilraunir, að fundartími væri fast-
ákveðinn, heldur hafa fundirnir verið boðaðir eftir geðþótta for-
manns og þá venjulega svo seint (daginn áður), að ég hafði þegar
ráðstafað mér annars staðar. Á þeim fundum, sem ég hef ekki mætt,
kom það þvi fyrir, að ákvarðanir nefndarinnar voru ólöglegar, þar
sem álits héraðslæknis hafði ekki verið leitað og ekkert vottorð frá
honum fengið, svo sem þó er tilskilið í lögum og reglugerðum, eink-
um 10. gr. reglugerðar nr. 49 frá 15. júlí 1936.
Skipaslcaga. Helibrigðisnefnd hefur komið saman á árinu og samið
reglugerð um sorphreinsun og salerna í Akraneskaupstað.
Borgarnes. Heilbrigðisnefnd hefur rekizt í. því, að óþrifasorp væri
l'jarlægt af almannafæri.
Ólafsvíkur. Heilbrigðisnefndir óstarfandi.
Flateyrar. Heilbrigðisnefndir hafa starfað á sama hátt og undan-
farin ár, en illa er umbótaviðleitni þeirra tekið yfirleitt. Gildandi heil-
brigðisreglugerð fyrir Flateyri er frá 1906. Er hún alveg úrelt orðin
og heilbrigðisnefndin samkvæmt henni valdalaus stofnun, sem hnýtt
er í af öllum fyrir allt, sem miður fer í þrifnaðarháttum þorpsbúa.
Þótt nefndin geri samþykktir og tillögur, er þeim lítill gaumur gefinn.
Hefur hún átt í baráttu við hraðfrystihúseigendur um meðferð úr-
gangsins frá húsunum með litlum árangri, meðal annars vegna þess,
að forstjórar þeirra báðir eru í hreppsnefnd, en þangað þarf að sækja
peningana til framkvæmda, ef á þarf að halda. Að vísu samþykkti
hreppsnefndin tillögur heilbrigðisnefndar um meðferð beina og ann-
ars sorps frá þorpinu á fundi síðast liðið sumar, en ekkert hefur
orðið úr framkvæmdum. Heilbrigðisnefndin gengst nú fyrir endur-
skoðun á reglugerðinni og fer fram á valdaaukningu.
Isafj. Fundir 5 á árinu. Ákvarðanir teknar um fyrirkomulag frá-
rennslis í einstökum húsum og um geymslu á úrgangi íshi'isanna.
Lagt fyrir útgerðarmenn að flytja slógið út fyrir Sundin. Rætt um
aðgerðir til úrbóta á mjólkurskortinum. Samþykktur, til bráðabirgða,
nýr veitingaskáli. Samþykkt tilmæli til bæjarstjórnar um að taka upp
bílkeyrslu á sorpinu í bænum í stað keyrslu á hestvögnum, eins og
áður hefur tíðkazt og tíðkast enn. Kosnaður við heilbrigðismál í bæn-
um áætlaður kr. 59400,00 fyrir 1945.
Hómavíkur. Störf heilbrigðisnefndar virðast vera að ganga þessa
árlegu eftirlitsferð á vorin og athuga umgengni utan húss. Sá hrepps-