Læknaneminn - 01.04.1994, Side 170

SKÝRSLA FULLTRÚARÁÐS
Störf skemmtinefndar í læknadeild hófust á
haustdögum með miklum og þrálátum símhringingum
í hin ýmsu landsbyggðarsjúkrahús.
Niðurstaðan kristallaðist síðan í vísinda- og
skemmtiferð til Stykkishólms, fyrstu helgi
nóvembermánaðar. F arið var með tveimur rútum vestur
í Helgafellssveit, þar sem gist var á Félagsheimilinu
Skildi. Á laugardagsmorgni var svo
Fransiskusjúkrahúsið skoðað. Þá var ekið með hópinn
vestur í Bjarnarhöfn og forláta bændakirkja skoðuð,
kaleikur og bergt á kaffí og brennivíni.
Þamæst var siglt um nokkrar ágætar eyjar á
Breiðafírði, tekið þátt í tilraunaveiðum og sjálfur
konungurinn sveimaði yfir.
Boðað var á Hótel Stykkishólmi en diskótekið á
eftirklikkaði. Hverju svo sem varum að kenna þá var
hegðun og umgengni læknanema þá um nóttina þeim
til mikillar vansæmdar. Skyggði það mjög á þessa
ágætu ferð. Á sunnudeginum var gengið á leiði
Guðrúnar Osvífursdóttur og í þögn upp á Helgafell.
Fjórir nemar á 2-ári tóku að sér að halda jólaglögg
í Domus Medica með miklum myndarleik.
í byrjun febrúar var svo haldin árshátíð félagsins
á Hótel Sögu, með tilheyrandi pompi, pragt og
síðkjólum. Skemmtiatriðum stillt í mikið hóf, enda
Gestur Pálsson barnalæknir og frú heiðursgestir.
Hljómsveitin Svartur pipar lék fyrir dansi.
Lokaverkurinn var svo kynningarballið blessað.
Það fór í vaskinn á Hótel Islandi 16. september
síðastliðinn. Haldið eftir afmælishátíð Læknafélagsins
og nóg um það.
í kvöld mun svo fulltrúaráð standa fyrir
stjómarskiptasamkvæmi í Stúdentakjallaranum.
Með þökk fyrir undirtektirnar,
f.h. fulltrúaráðs,
Ferdinand Jónsson
SKÝRSLA KENNSLUMÁLANEFNDAR
1. ár
Stór ákvörðun var tekin er fækkað var í numerus
clausus og verða framvegis 30 læknanemar sem
kornast áfram til náms í læknisfræði. Einnig var gerð
breyting á inngangskröfum erlendra stúdenta í
læknisfræði á íslandi í samræmi við þær kröfur sem
gerðar eru til íslenskra læknanema (sjá nánar skýrslu
formanns).
Skipulag fyrsta árs er í nokkuð föstum skorðum,
samt ber talsvert á því að kennarar hendi ekki reiður
á fyrirlestrum sem þeir skulu kenna, og kom það þó
nokkrum sinnum fyrir að nemendur mættu í tíma en
enginn var kennarinn.
2. ár
Fyrirlestra- og prófskipulag annars árs er og hefur
verið óyndi okkar læknanema fráþví hið nýja kennslu
skipulag kom á fyrir 6 árum.
Annað árið sem var, og annað árið sem er fóru fram
á það, með viðeigandi undirskriftalistum, að próf í
líffærafræði höfuðs og háls yrðu haldin á haustönn.
Ekki var orðið við þeim óskum og hefur umræða þessi
margoft farið fram og strandar það á kennurum
lífefnafræðinnar að ekki skuli vera unnt að framfylgja
ofannefndri ósk.
Kennslunefnd ákvað að láta þá ákvörðun standa að
hafa prófín að vori, því af fenginni reynslu er betra að
skipuleggja nám sitt og læra meðan vitað er hvenær
prófín eru haldin heldur en læra í von og óvon með að
einhver próf verði á þessum tíma en ekki hinum.
Til móts átti að koma við nemendur með því að
flytja námsefni af vorönn og kenna lengur fram í
desember og auka þannig próflestrartíma á vorönn
annars árs, en ekki hefur það verið gert samkvæmt
stundarskrá þeirri er dreift hefur verið til annars árs
nema.
Til stendur að reyna að breyta
námsefnisuppstillingu þeirri sem er til staðar á 1. og
2. ári. Hefur það lengi verið áiit mitt að lífræn
efnafræði yrði kennd á haustmisseri 1. árs ásamt
ólífrænu efnafræðinni og að tilraunum í þessum
námsgreinum yrði fækkað á vorönn. Þannig mætti
skapa rými á vormisseri 1. árs og væri þannig hægt að
flytja þann hluta lífefnafræðinnar af öðru ári sem
fjallar um byggingu próteina, ensíma, frumuhimna,
sykrunga ofl. niður á fyrsta ár þar sem það efni er i
mun meira samhengi við það námsefni sem kennt er
á þeim tíma. Og væri þannig rýmkaður tími til náms
á öðru ári sem veitir ekki af og möguleiki á meiri
klínískri kennslu myndi skapast.
Aukinn áhugi hefur verið á að fá kennda heimspeki
156
LÆKNANEMINN I 1994 47. árg.