Skírnir - 01.01.1943, Blaðsíða 160

158
Jakob Jónsson
Skírnir
er sá, að heildarniðurstöðum hefði það ekki raskað að
neinum verulegum mun. Af þeim ræðusöfnum, sem ég hefi
stuðzt við, eru ræður Helga biskups Thordersen elztar.
Hann tók prestsvígslu árið 1820 og þjónaði prestsembætti
til ársins 1845, að hann var kjörinn biskup í stað Stein-
gríms Jónssonar. í formála fyrir húspostillu hans, sem
ekki kom á prent fyrr en 14 árum eftir fráfall hans, segir,
að hann hafi sjálfur valið úr þær ræður, er hann hugðist
að gefa út. Þykir mér líklegt, að hann hafi þá frekar valið
ræður frá síðari prestskaparárum eða frá biskupsdómi
sínum heldur en sínar fyrstu prédikanir. Ef það er rétt til
getið, má gera ráð fyrir, að þær ræður hafi verið haldnar
fyrir einni öld, sumar ef til vill fyrir, aðrar vafalaust
nokkru eftir það tímatakmark.
Næstur tekur við dr. Pétur Pétursson biskup. Hann segir
sjálfur, að flestar ræður í húslestrabók sinni séu frá því,
er hann þjónaði dómkirkjusöfnuði Reykjavíkur, eða frá
1854. Nokkrar eru þó eldri.
Þriðji prédikarinn í röðinni er séra Helgi lektor Hálf-
danarson, fyrst prestur og síðar forstöðumaður prestaskól-
ans í Reykjavík. Ræður hans eru gefnar út að honum látn-
um árið 1901, og að öllum líkindum eru þær fluttar á löngu
tímabili.
Fjórði í röðinni er séra Páll Sigurðsson í Gaulverjabæ.
Hans ræður eru allar frá 1880 til 1887, en á því ári lézt
hann.
Fimmta tel ég séra Jón Bjarnason, sem þjónaði prests-
embætti bæði á Dvergasteini og fyrir vestan haf. Ræður
hans eru gefnar út 1900, og einar sex þeirra eru eldri en
frá 1893.
Hinn sjötti höfundur að prédikanasafni er séra Har-
aldur prófessor Níelsson. í því safni eru eingöngu ræður
frá því tímabili, að hann hélt uppi frjálsri prédikunar-
starfsemi í Reykjavík 1914—1928.
Sjöunda ræðusafnið er bók Jóns biskups Helgasonar:
„Kristur, vort líf“. Hann tók prestsvígslu 1895, en gaf út