Norðurljósið - 01.01.1969, Síða 89
NORÐURLJÓSIÐ
89
taka á móti heilögum Anda, mun kærleika Guðs verða úthellt í hjarta
þitt. (Róm. 4. 24., 25. vers og 5. 1. og 5. vers.)
Þegar svo sá, sem trúir á Jesúm, dregur fána sinn upp og játar
trú sína á hann og skammast sín ekki fyrir að viðurkenna, að hann
stendur Drottins megin, þá öðlast hann fulla gleði hjálpræðisins
frá Guði.
Þeim, sem setja allt sitt traust á Jesúm og fylgja honu n, er veitt
það öryggi, að enginn geti slitið þá úr hendi Föðurins (Jóh. 10.
28., 29.).
Það eru margir nú á dögum, sem lifa sem bugaðir, sigraðir menn.
Það er Kristur einn, sem getur gefið okkur sigur yfir hinu illa, sem
sækir á okkur í lífinu.
Hermaður, sem var að bera særða menn í Frakklandi í seinni
heimsstyrjöldinni, komst mjög við af því, þegar deyjandi menn báðu
hann að biðja fyrir þeim. Hann fann til þess, hve lítið hann vissi,
því að hið eina, sem hann gat, var að hafa yfir „Faðir vorið“. Hann
var einn af þeim, sem fluttir voru heim frá Dunkirk. Er hann kom
til Englands, fann hann hjá sér djúpa þrá, að vita meir um eilífðar-
málin. Honum var gefið lítið rit. Meðan hann var að lesa það, tóku
þessi biblíuorð hann föstum tökum: „Þó að syndir yðar séu sem
skarlat, skulu þær verða hvítar sem mjöll“ (Jes. 1. 18.). Þessi orð
minntu hann á bernskudaga og lofsöng, sem hann var vanur að
syngja sem kórdrengur. Guð notaði þetta til að koma honum til að
hugsa mikið um breytni sina. Afleiðing þess, að hann heyrði sann-
leikann um náðarboð Guðs, hjálpræði vegna Krists og fórnarverks
hans, varð sú, að hann sneri sér af hjarta til Guðs og eignaðist frið
og gleði í frelsara sínum.
„Leitið Drottins, meðan hann er að finna. kallið á hann, meðan
hann er nálægur“ (Jes. 55. 6.). NU er Jesús nálægur þér. Treystu
honum NÚ sem frelsara þínum. Slepptu ekki þessu tækifæri. Vera
má, að þú fáir það aldrei aftur.
Charles Nwnnery. (Þýtt.)
Höfundur þessarar greinar gefur út litið rit annanhvorn mánuð,
sem heitir „Things Concerning Himself". Það er eingöngu um frels-
arann okkar. Hann sendir það ókeypis til allra, sem óska eftir að fá
það. Utanáskrift hans er: High Down, Cokes Lane, Chalfont St.
Giles, Bucks, England.