Andvari - 01.01.1881, Side 114
110
Um skóla
eptir sumarleyíið, og er þá fiuttur upp ef hann stenzt
próíið. Yið lok haustmissirisins má og flytja þá pilta
upp, sem við miðsvetrarpróf sýna að þeir hafa þá þekk-
ingu, sem til þess krefst. Miðsvetrarpróf er að eins
haldið í 5 neðstu bekkjunum. Sá sem setið hefur 2
ár í eins árs bekk og samt eigi er hæfur til uppflutn-
ings, verður að fara úr skóla, ef eigi hafa tálmað veikindi
eða aðrar gildar orsakir. Daglegir vitnisburðir þekkj-
ast eigi, því þeir þykja spilla fyrir kennslunni og tefja
tímann. Vitnisburðir eru að eins gefnir við miðsvetrar-
próf og vorpróf, og eigi í tölum heldur í orðum; þó er
það eigi einu sinni gjört alstaðar.
Arlega eru skólaskýrslur gefnar út fyrir alla skól-
ana og er þeim alstaðar tilhagað eins, og hin sama
niðurröðun er á efninu i öllum, til þess hægra sé að
draga saman innihald þeirra í eina aðalskýrslu fyrir
allt ríkið. Skólastjóri eða einhver kennaranna verður
að minnsta kosti þriðja hvert ár að rita einhverja
vísindalega ritgjörð, sem prentuð er fyrir aptan skóla-
skýrsluna. í hverri skólaskýrslu er meðal annars töflur
yfir heilbrigðisástand skólapilta eptir lækui skólans.
Kennarar við hina lærðu skóli eru þrenns konar:
skólastjórar (reJdorar), yfirkennarar (lektorar) ogkennarar
(adjunldar og Jcollegar). Svo skal tilhagað, að hver
keunari kenni sem fæstar vísindagreinir, og að eins
þær sem skyldar eru, svo að kenuslan eigi veikist við
það, að kennarinn þarf að sinna mörgum ólíkum greinum.
Sérliver kennari verður að vera háskólagenginn maður
og hafa sýnt, að hann kunni að kenna, og er því eitt
ár til reynslu við einhvern af 4 aðalskólum ríkisins, sem
stjórnin tiltekur. Sá sem verða vill kennari má fyrst
að eins hlusta á kennsluna og síðan kennir hann undir
umsjón og í viðurvist einhvers annars kennara, þó eigi
leugur en 6 stundir á viku, og hlustar svo á fyrirlestra
um kennslufræði (pædagogik) og sögu hennar. Eptir