Saga - 1961, Blaðsíða 150

324
PÁLL LÝÐSSON
Teitsson, er ennþá á bezta aldri við kristnitökuna árið
1000. En tæpra hundrað ára aldursmunur á Helgu og
barnabarni hennar er með ólíkindum, nema Teitur hafi átt
Gizur á elliárum sínum. Þá er þess að lokum að geta, að
afarlangt var milli heimkynna Háleygjajarla, sem Ketil-
björn taldi sig kominn frá, og ættar Bjarnar bunu, sem
Þórður var af, og bendir ekkert sérstakt til þess, að þeir
Ketilbjörn hafi mægzt þar. Er því mun sennilegra, að Ketil-
björn hafi fengið Helgu ungrar þann vetur, sem hann
dvaldist á Skeggjastöðum, eða skömmu síðar.
Hér er ekki ætlað rúm til að ræða gerla um landnám
Ketilbjarnar. Aðeins skal drepið á það misræmi, að hann
nemur ekki Grímsnes allt, heldur seilist eftir landi yfir 1
Ytri-Tungu (Biskupstungu) upp til Stakksár neðan við
Haukadal. Grímsnes dregur nafn af Grími í Öndverða-
nesi, og bendir það til, að hann hafi numið sveit þessa all-
löngu fyrr en Ketilbjörn kom út. Má telja sennilegra, að
hann hafi komið út á Eyrum, er Flóinn var albyggður, og
orðið fyrstur landnámsmanna til að nema land handan
Hvítár en að hann hafi komið að fjallabaki í héraðið eins
og Ketilbjörn. Másíðan vera, að Grímur hafi orðið að láta
land af hendi við hann, e. t. v. fyrir gjald nokkurt, en
Ketilbirni þótt þar of þröngt og bætt við sig Tungunni.
Líklegast hefur Ytri-Tunga verið ónumið land enn, er
Ketilbjörn bætti henni við sig, sökum þess að sundvötn
beggja megin hafa án efa fælt menn frá búsetu þar. Tungu
hina eystri nam Eyfröður hinn gamli og bjó þar, sem nú
heitir Bræðratunga. Eyfröður mun sennilegast hafa kom-
ið út á Eyrum sem Grímur í öndverðanesi og fremur skipt
við kaupmenn þar en fyrir vestan heiði, því að Hvítá var
minni farartálmi en vötn, sem á hinni leiðinni runnu.
Landnám Árnessýslu frá Eyrum hefur því ekki verið
lengra komið, er Ketilbjörn kom að fjallabaki í héraðið.
Lítil formfesta hefur verið komin á blótstörf Mosfell-
inga, er stofnun alþingis fór fram. Ketilbjörn — eða Teit-
ur — hefur ekki hlotið goðorð það, sem ættinni fylgdi