Skagfirðingabók - 01.01.1973, Blaðsíða 98
SKAGFIRBINGABÓK
norð-iustur frá landinu, og er yzti endi hennar sem sker. Heitir
hún Kirkjuflös. — Varhugavert er að sigla mjög nálægt landi
fram af bænum Fagranesi. Þar er útgrunnt og fremur óhreint. —
Inn í háa bakkana út og niður undan bænum Hólakoti er vík eða
skápur, sem lítil lækjarsytra hefur litað mýrarrauða. Þar heitir
Danskibás. Utar fram af Hólakotsbökkum er sker eitt sér, sem
Hjalti heitir. Er þá stutt í Drangsvíkurnef. Þvert af því er talið, að
hálfnuð sé leið til Drangeyjar.
Fram af Hólakoti er Dýrhöfðabrún. A Dýrhöfðann, sem er
utan við Búðarvík,1 að bera í Ingveldarstaðarbæ. Dýpra er Bjarga-
brún, og á Hólmann (Ingveldarstaðahólmann) að bera í Ketu-
björg. Austar koma svokallaðar Tær. Eru þær á Hegranesinu vest-
anverðu, og er þetta talin austurbrún Alsins. Nær Hegranesinu
er þetta kallað Framnesiö undir, og er raunat sama mið. Eins og
á þessum miðum má sjá, breikkar Allinn talsvert fram af Hóla-
koti og Drangsvíkurnefi, enda heitir þar Hólakotsdjúp.
Rifshaus er inn og fram af Drangsvíkurnefi. Mið á honum er
Molduxinn við Stólinn og Hólminn hliðar við Reykjadisk.
Daðastaðahús eru, þegar bæinn á Daðastöðum ber í fjárhúsin
ofan við. Brúnin er þarna Hólminn í Diskinn (Reykjadisk).
Sveinskot var líka notað sem mið fram af Hólmanum, og átti
hann að bera í bæinn.
Þegar róið var út fyrir Hólma, voru oft farin Sundin, sérstak-
lega í landátt og þá sérstaklega á smærri (opnum) bátum. Þar
er mikið af skerjum. Þekktust af þeim eru Brúnkolla, blindsker,
að norðanverðu og Dyrasker að sunnanverðu; þau standa alltaf
upp úr sjó.
Leiðirnar gegnum Sundin eru aðallega tvær og heita Grunn-
sund og Djúpsund. Grunnsund er nærri landi og farið ofan við
Brúnkollu og fleiri sker eftir miðinu Ketubjörg um- Disklána, þar
til komið er inn með Sandinum, þá fyrir ofan Dyrasker, þó vel
framan við Messuklöpp.
Djúpsundið er nær Hólmanum. Mið á því er Fossinn í Búðar-
1 Ég hevrði gamia menn segja, að ein bezta lending á Reykjaströnd
væri í Búðarvík.
96