Skagfirðingabók - 01.01.1973, Blaðsíða 156
SKAGFIRBINGABÓK
fréttist, að meðmælendur prests væru að safna áskrifendum, sem
hugðust heyra til hans. Skrifaði nú hinn flokkurinn umkvörtunar-
og bónarbréf til biskups um að ráða úr þessari andlegu nauðsyn
safnaðarins; undir þetta bréf skrifuðu 175 manns, og voru 120
af þeim húsfeður. Þetta bréf mun biskup hafa sent utanlands til
andlegu málefna stjórnarinnar í Kaupmannahöfn. Hvað nú síð-
an verður, vita menn ekki. Eru þetta ekki mikil tíðindi?
Sr. Sveinbjörn var mulkteraður1 um 10 rbd., ekki með dómi,
heldur amtsákvörðun. Hann fór utan með póstskipi, og mun ó-
hætt að fullyrða, að Þjóðólfur kemur prentaður þaðan. Þessi með-
ferð á Þjóðólfi og höfundi hans, þykir mörgum undarleg, og sum-
ir kalla hana ranga, og það sýnist sannindum næst, og eru menn
hræddir um, að yfirvöldin hér fái óþökk fyrir þær aðgjörðir.
Alltaf fer dálítið fram jarðabótum hér sunnanlands, og eru nú
margir orðnir sannfærðir um, að enginn kostnaður gefur betri
rentur en jarðabætur. Það er reynt og sannað, að jarðabót gefur
minnst 12 af 100 og allt að 30, og þá er auðséð að trauðlega
gefur nokkur hlutur meiri arð. Hann er heldur ekki undirorpinn
þeim vanhöldum sem margt annað. Ég hef víst áður sagt þér
meining mína, hvörnin mér þætti bezt mundi að bæta jarðir eða
fá efni til þess, ætla ég nú eina ferð hafa það upp [sem] jarðeig-
andi leggur til jarðabóta, en leiguliði geldur hönum lögleiga af
því fé fyrir utan það áður umsamda jarðarafgjald. Skyldi nú sá
leiguliði gefast (sem vel getur skeð), sem ekki er trúandi fyrir
jarðabótapeningunum, þá tekur jarðeigandi að sér að bæta jörð-
ina og sýnir leiguliða reikning, hvað það kostaði, og geldur leigu-
liði rentur af /peningunum/.1 Ef jarðeigandi hvörki vill né
getur lagt til jarðabóta, þá /leyfir/1 hann leiguliða að taka lán
hjá einhvörjum, og betalar leiguliði hönum rentur, en jarðeig-
anda sitt afgjald óskert, og hvílir þetta afgjald ætíð á jörðinni,
hvör sem á henni býr; en vilji nú sá, sem lánaði, fá peninga sína,
þá á jarðeigandi fyrsmr kaup á þeim. Með þessum hætti mætti
bæta jörðina án þess að jarðeigandi þurfti leggja peninga til eða
missi nökkurs í. Hvörnin lýst þér á þetta?
1 Hér er getið í eyðu.
154