Úrval - 01.05.1953, Side 2

Frá lesendum
1 6. hefti Úrvals árið sem leið
birtist grein, sem hét Vesturís-
lenzk nýlenda og sagði frá skaga-
tá norðvestast í Bandaríkjunum
þar sem búa nærri eingöngu Is-
lendingar. Einn Islendingur, Laugi
Thorstenson, var nafngreindur í
greininni, sem þýdd var úr ame-
rísku tímariti, og var honum sent
eitt hefti og nokkrar línur með.
Nú hefur Úrvali borizt bréf frá
Lauga og fer það hér á eftir, með
örlítilli úrfellingu.
Kæri herra!
Ég þakka yður fyrir bréfið og
sendinguna. Mér þykir þú velja vel
í Úrval, en bjóst aldrei við að sjá
grein um okkur í íslenzku tímariti.
Ég var fæddur hér á „tangan-
um“ eins og byggð þessi er vana-
lega kölluð.
Faðir minn og móðir mín komu
frá Vik í Mýrdal 1887 og fluttust
beina leið til Victoría, Canada, og
svo hingað 1894. Þau hétu Helgi
Þorsteinsson og Dagbjört Dag-
bjartsdóttir.
Okkur var kennd íslenzkan áður
en við lærðum enskuna, en eins
og þú sérð á þessu bréfi hef ég
aldrei lært hana mjög vel, og eru
orðnir svo fáir eftir sem tala hana,
að maður verður býsna stirður
bæði að tala og skrifa . . .
Ég ætla að gefa þetta hefti af
Úrvali gamalmennaheimilinu Staf-
holt í Blaine. Það er íslenzkt
og ég veit gamla fólkið mun hafa
gaman af því.
Yðar einlægur
Laugi (Gunnlaugur) Thorstenson.
Heiðraða Úrval!
Mig langar að vita, hvort þú
munir vilja gera svo vel að leysa
úr einni spurningu fyrir mig.
1 blöðunum í haust birtust
fregnir af fólki — karlmanni, sem
hafði látið breyta sér i konu og
konu, sem hafði látið breyta sér í
karlmann. Nú leikur bæði mér og
fleirum forvitni á, hvort unnt sé
að framkvæma slíkar gjörbreyt-
ingar, ef um líkamlega réttskapað
fólk er að ræða, eða hvort hlut-
aðeigandi persónur verði að vera
að einhverju leyti tvíkynja, svo
að hægt sé að láta þær taka slík-
um hamskiptum. xyx.
Svar: Greinin Sannleikurinn um
kynskiptinga á bls. 28 hér á eftir
svarar þessari spurningu og vís-
ast til hennar.
Þýðendur (auk ritstjórans): Ingólfur Pálmason (I.P.), Sncebjörn Jó-
hannsson (S.J.), Ólafur Sveinsson (Ö.Sv.) og Öskar Bergsson (Ó.B.).
ÚRVAL — tímarit. — Kemur út 8 sinnum á ári.
Ritstjóri: Gísli Ólafsson, Leifsgötu 16, Reykjavík. Simi 4954.
Afgreiðsla Tjarnargötu 4. Áskriftarverð 70 krónur.
Útgefandi: Steindórsprent h.f.