Ritröð Guðfræðistofnunar - 01.01.1997, Qupperneq 41

Þórarinn Björnsson
hafði setið þar í stjórn í tvö kjörtímabil áður.26 Jafnframt hafði Jónas
töluvert látið að sér kveða í stúdentapólitíkinni og meðal annars setið í
Stúdentaráði fyrir Vökumenn.
Annar félagsmaður KSF, sr. Sigurbjörn Einarsson dósent, hafði á hinn
bóginn tekið þátt í að stofna Þjóðvarnarfélag Islendinga árið 1946 og hafði
verið formaður félagsins frá upphafi. Beitti það félag sér eindregið gegn
aðild Islands að NATO og talaði Sigurbjörn meðal annars á útifundi
félagsins sem haldinn var 27. mars 1949, aðeins þremur dögum áður en
til átaka kom við Alþingishúsið. Samþykkti fundurinn einörð mótmæli
gegn inngöngu íslands í NATO.
Um þetta sama leyti hófst undirbúningur að norræna kristilega
stúdentamótinu sem halda átti sumarið 1950 á íslandi, en í undir-
búningsnefnd voru þeir Jónas Gíslason (formaður), Jóhann Hlíðar og
Gunnar Sigurjónsson af hálfu KSF. Knud Ziemsen var fulltrúi KFUM í
nefndinni og Bjarni Eyjólfsson fulltrúi SIK. Varamenn voru Ástráður
Sigursteindórsson, Sigurður A. Magnússon og Þórður Möller.
Á aðalfundi KSF í október 1949 bar Sigurður A. Magnússon fram þá
tillögu að sr. Sigurbjörn Einarsson yrði efstur á lista yfir íslenska
ræðumenn mótsins, en Sigurbjörn hafði þá nýverið verið skipaður prófessor
við guðfræðideildina. Samþykkti aðalfundur tillöguna með sjö atkvæðum
gegn tveimur, en átta félagsmenn sátu hjá. Þeir sem greiddu atkvæði
gegn tillögunni voru þeir Gunnar Sigurjónsson og Jónas Gíslason, sem
báðir áttu sæti í undirbúningsnefnd mótsins. I fundargerð aðalfundar
segir orðrétt:
Gunnar Sigurjónsson gerði grein fyrir, hvers vegna hann vildi að próf.
Sigurbj. Einarsson yrði ekki ræðumaður á mótinu. Kvað hann margar
ástæður liggja til þess, en nefndi aðeins eina: Stjórnmálaafskipti sr.
Sigurbjörns Einarssonar.27
í hugum sumra félagsmanna KSF virtist nú h'tið standa eftir af fyrri
meðmælum Kristilegs stúdentablaðs í garð sr. Sigurbjörns Einarssonar. í
umræðum á aðalfundinum kom fram að bæði Jónas og Gunnar litu á
tillöguna sem vantraust í garð undirbúningsnefndarinnar og vildu gera
samþykkt aðalfundarins að fráfararatriði úr nefndinni. Á það reyndi þó
ekki því aðalfundur samþykkti að lokum að fresta endanlegri ákvörðun í
málinu um sinn.
26 Jónas var í stjórn Heimdallar 1946-47, 1947-48 og 1949-50. Aðalfundur 1949 var
haldinn 22. mars.
27 Fundargerðabók KSF 1944-1950 bls. 75-76.
39