Ritröð Guðfræðistofnunar - 01.01.1997, Qupperneq 42

„Sjáið merkið, Kristur kemur, krossins tákn hann ber“
Mál þetta dró verulegan dilk á eftir sér fyrir starf KSF, sem lögum
samkvæmt er algjörlega ópólitískt og skiptir sér hvorki af pólitískum
skoðunum meðlima sinna né annarra. Fljótlega eftir aðalfund var efnt til
annars félagsfundar í kjölfar þess að fulltrúi SIK, Bjarni Eyjólfsson, sagði
sig úr undirbúningsnefndinni. Kom nú betur í ljós að deilurnar vörðuðu
einnig stefnu félagsins því ekki virtust allir vilja leggja sömu áherslu á
KSF sem píetíska vakningahreyfingu. I kjölfar heitra umræðna á
fundinum sagði Jónas af sér formennsku í KSF en hélt áfram sem
formaður undirbúningsnefndar mótsins vegna eindreginna óska fundar-
manna og varð síðar nokkurs konar framkvæmdastjóri við undirbúning
mótsins þegar nær dró.
Ekki náðist samstaða um það að fá prófessor Sigurbjörn sem ræðumann
á mótið og telur Jónas að líklega hafi stjórnmálaafskipti hans þar vegið
þyngst, en einnig ber að hafa í huga að nokkur blæbrigðamunur var á
trúarafstöðu Sigurbjörns og þeirra sem fastast stóðu á hinum píetíska
vakningargrunni.28 En eftir stóð að félagið var klofið í afstöðu sinni til
Sigurbjörns og umræðan um stefnu félagsins var aldrei til lykta leidd.
Hafði mál þetta allt talsvert neikvæð áhrif á áframhaldandi starf og
einingu félagsmanna í KSF og dró úr jákvæðum áhrifum norræna kristi-
lega stúdentamótsins sem að öðru leyti tókst í alla staði mjög vel.29
Enn flæktist Jónas í margslunginn vef stjórnmálanna tveimur árum
síðar eftir að Sveinn Björnsson forseti andaðist og efnt var til almennra
forsetakosninga í fyrsta sinn hér á landi. Var Jónas fenginn til þess að
stjórna kosningaskrifstofu stuðningsmanna sr. Bjarna Jónssonar dóm-
kirkjuprests, sem jafnframt var formaður KFUM í Reykjavík. Færðist
brátt talsverð harka í kosningabaráttuna en svo fór að Ásgeir Ásgeirsson
var kjörinn forseti með naumum meirihluta. Sr. Bjarni tók verulega
nærri sér þá orrahríð sem af framboðinu hlaust og sjálfum er Jónasi ekki
grunlaust um að hann hafi eignast einhverja óvildarmenn í hita leiksins,
sem komið hafi sér í koll við prestskosningar síðar.
Eftir þetta hætti Jónas fljótlega afskiptum sínum af stjórnmálum að
mestu.30 Hann gerði sér fljótlega grein fyrir því að stjórnmál gátu ekki
28 Þess má geta að Sigurbjörn gerðist t.d. aldrei félagi í SJP. Sjá í því sambandi bók
Sigurðar A. Magnússonar: Sigurbjörn biskup - ævi og störf Rvík 1988 bls. 207-211.
29 Umfjöllunina um norræna stúdentamótið 1950 og aðdraganda þess byggir
greinarhöfundur að mestu á æviminningum Jónasar og eigin ritsmíð frá árinu 1982 er
nefnist: Norræna kristilega stúdentamótið í Reykjavík 27. - 31. júlí 1950 og aðdragandi
þess. Ritgerðin er til í vörslu höfundar og Kristilegu skólahreyfmgarinnar. Sjá einnig
fundargerðabækur KSF og sjónarhorn Sigurðar A. Magnússonar í bókum hans:
Sigurbjörn biskup - ævi og störf, Rvík 1988 bls. 211-214 og Ur snöru fuglarans, Rvík
1986 bls. 197-232.
30 Jónas tók þó talsvert virkan þátt í sambandi við Alþingiskos-ningarnar 1953 um
40