Ritröð Guðfræðistofnunar - 01.01.1997, Blaðsíða 102

Fáeinir þankar um prédikunina
Prédikunin á að vera útlegging á orði Guðs og undirstaðan er gefin í
textum kirkjuársins. A einu ári fórum við yfir öll helztu kenningaratriði
kristinnar trúar.
Við eigum líka að boða allt Guðs ráð, bæði lögmál og fagnaðarerindi. Það
er ekki alltaf vísasti vegurinn til vinsælda. Við megum hvorki svíkja Guð
né söfnuðinn. Við verðum einnig að boða reiði og vandlætingu Guðs, um leið
og við boðum náð og kærleika Krists.
Hvers vegna fæddist Kristur inn í mannheim? Til að frelsa synduga
menn, karla og konur.
Hefurðu heyrt frásöguna af prestinum, sem fór út í kirkjugarð, er hann
kom á nýjan stað til að þjóna, og kraup hjá leiðum hinna látnu og bað um
hjálp og kjark til að boða allt Guðs ráð?
Kannski ættum við fleiri að fara svipað að?
Eg legg áherzlu á, að við verðum ætíð að boða Guðs orð í kærleika og bera
umhyggju fyrir velferð mannssálna um tíma og eilífð. Við eigum að forða
fólki frá dæmandi reiði Guðs og benda því á Jesúm, sem tók á sig refsing-
una fyrir syndir okkar.
Gleymum aldrei, að við eigum að standa Guði reikningsskil á prédikun
okkar á efsta degi. Hér er eflaust um að ræða alvarlegt brot á 2. boð-
orðinu, ef við látum undir höfuð leggjast að boða Krist.
Innihald prédikunarinnar
Niðurstaðan verður því þessi: Kristin prédikun boðar Krist, krossfestan
og upprisinn frelsara. Það skilur kristna prédikun frá allri háfleygri
mannlegri speki.
Kristin prédikun á því ætíð grundvöll sinn í opinberuðu orði Guðs,
Biblíunni.
Bundin af orði Guðs
Við erum sett til að boða Guðs orð. Þess vegna erum við bundin af orði
Guðs. Við getum engu breytt um boðskapinn, getum hvorki linað hann né
skerpt. Allar slíkar tilraunir væru aðeins einskisverð mannaorð. Við
getum aldrei beygt Guð eða lagað hann að vilja okkar. Við eigum að beygja
okkur í hlýðni undir vilja hans og boð.
Og við eigum að boða allt Guðs ráð. Við getum engu breytt um boð-
skapinn. Við verðum að boða lögmalið og fagnaðarerindið.
Lögmálið segir okkur, að við séum syndarar, sem fáum ekki staðizt
frammi fyrir Guði íeigin réttlæti.
100