Ritröð Guðfræðistofnunar - 01.01.1997, Side 105

Jónas Gíslason
Tilgangur prédikunarinnar
Til hvers prédikum við? Hvers væntum við af prédikuninni?
Að hún skapi trú á Jesúm Krist og gjöra hann vegsamlegan. Við getum
aldrei skapað trú. Hún er árangur af starfi heilags anda. Hann lýkur
upp hugskoti okkar og hjarta fyrir fagnaðarerindinu.
Og við eigum ekki bara að prédika af gömlum vana eða af því að við
eigum að messa á sunnudaginn kemur.
Árangur prédikunarinnar á að vera sá að skapa trú í hjörtum þeirra,
sem eiga ekki trúna, að bæta í hópinn. Hún á einnig að styrkja og efla
hinn trúaða í daglega lífinu.
Biðjum fyrir prédikuninni
Við þurfum að biðja Guð um heilagan anda. Hann þarf að vinna verk sitt
í hjörtum þeirra, sem koma að hlusta. Við þurfum að biðja fyrir áheyr-
endum okkar.
En við þurfum einnig að biðja fyrir okkur sjálfum, þegar við erum að
undirbúa prédikunina, biðja Guð um að snerta við hjörtum okkar og ljúka
orðinu upp fyrir okkur. Við þurfum líka að biðja Guð um að smyrja varir
okkar til að flytja orð hans hreint og klárt.
Við megum aldrei fara í prédikunarstólinn til þess að uppheija okkur
sjálf. Prédikun okkar má aðeins uppheíja Krist og gjöra hann vegsam-
legan. Guð spyr ekki um hæfileika okkar, ef hann aðeins fær að nota okkur
sem verkfæri sitt við boðun orðsins. Hann spyr fyrst og fremst um hlýðni
okkar.
Guð notaði hana til að vekja Pétur, er hann var að afneita honum í
hallargarðinum. Og Guð notaði asna til að bera Jesúm við innreið hans í
Jerúsalem.
Hann getur einnig notað okkar. En verum hreinskilin. Okkur reynist
íurðu oft erfitt að taka okkur í munn orð Jóhannesar skírara: Hann, þ.e.
Kristur, á að vaxa, en ég að minnka! En þannig á það einmitt að vera,
þegar við prédikum Krist.
IV Fáein praktisk ráð
1) Byrjunin er mikilvægust og fyrstu tvær mínúturnar skera úr um,
hvort þú nærð eyrum áheyrendanna. Gott er að byrja með því að
draga upp smámynd, er snertir guðspjallið, og nota hana aftur í lokin.
Það er oft kallað að ganga frá prédikuninni.
2) Nota myndmál, sótt í daglegt líf safnaðarins.
3) Talaðu ekki of lengi.
103
L