Ritröð Guðfræðistofnunar - 01.01.1997, Síða 121

Jónas Gíslason
Það sem veldur undrun Guðs er nákvæmlega hið sama og áður ein-
kenndi Israelsmenn. Hann undrast, hversu fáir eru reiðubúnir að skerast
í leikinn, skipa sér í skörðin til varnar landi og þjóð. Hann undrast sinnu-
leysi okkar, sem viljum þó vera lærsveinar hans og þjóna honum.
Og nú í kvöld berst kall hans til okkar, mín og þín, kæri kristni vinur:
Hver vill skerast í leikinn þjóðinni til varnar? Hver vill skipa sér í
skörðin og hefja endurreisn múranna, þar sem skörð hafa myndazt? Hver
er reiðubúinn að bjóða sig fram til helgrar þjónustu fyrir þjóð okkar?
IV
Nú kunna ýmsir að segja: Það munar svo lítið um mig, ég hef svo lítinn
kraft.
Þannig hafa margir menn svarað Guði á öllum öldum, en þetta er
misskilningur. Allir menn eru skapaðir af Guði, til ákveðins hlutverks í
lífinu.
Guð hefur aðeins á að skipa í starfinu í ríki sínu syndugum mönnum,
sem eiga lítinn kraft í sjálfum sér.
En Guð hefur gefið hverjum manni það, sem hann þarfnast til þess að
geta þjónað Guði í lífi sínu - líka þér.
Guð hefur aldrei átt neina „súpermenn" til starfa fyrir sig. Líttu á
postulana, er þeir voru komnir til fundar við frelsara sinn í Galíleu eftir
upprisuna, þá er sagt um þá: „og sumir efuðust“ (gamla þýðingin).
Þetta voru mennirnir, sem Guð kallaði til þess að breiða út ríki hans hér
á jörðu. Þeir voru engir „súpermenn“, en þeir heyrðu boð frelsara síns,
komu til hans, og hlýddu honum. Þeir fóru af stað, ekki í eigin krafti,
heldur krafti hans sem sagði: Allt vald er mér gefið á himni og jörðu. Farið
því. . . - í hans krafti. - Þess vegna breiddist ríki Guðs út, og kirkjan var
stofnuð hér á jörð.
V
Enn kannt þú að spyrja: Hvað get ég gjört?
Svarið er einfalt: Þjóna frelsara þínum og Drottni í lífi þínu hér á jörð.
Gjörðu Krist að konungi lífs þíns, lifðu íyrir hann, helgaðu honum líf þitt —
allt þitt líf.
Þá muntu lifa öðrum til blessunar, og Guði til dýrðar.
Og gleymdu því aldrei, að þú stendur ekki einn í baráttunni fyrir
framgangi ríkis hans. Jesús stendur við hlið þér, og hann hefur fengið þér
vopnin, sem þú átt að berjast með og hertygin, sem þú átt að klæðast. Við
heyrðum einmitt sagt frá þeim hér fyrr í kvöld.
119