Skagfirðingabók - 01.01.1969, Blaðsíða 136
SKAGFIRÐINGABÓK
Húnavatnssýslu, „uppfæddur á meðgjöf'. En hver gaf með Páli?
Ekki var það faðir hans. Það gæti verið Björn biskup eða frú Þrúð-
ur kona hans. Ekkert mun þó vitað um þetta nú.1
Þótt lítið sé vitað um uppvöxt Hallgríms, má telja víst, að hann
hafi alizt upp hjá Sigurði Þorleifssyni og Helgu konu hans á meðan
hennar naut við. Ætla má, að Sigurður hafi reynzt Hallgrími góður
fósturfaðir og að kært hafi verið með þeim fósturfeðgum. Hallgrím-
ur hefur byrjað búskap ungur. Það hefði hann ekki getað, nema hann
hafi notið fjárhagslegs stuðnings fóstra síns. Óvíst er, hvort fóstur-
foreldrar hans hafa verið á lífi, þegar hann flutti vestur til Skaga-
fjarðar aftur. Líklegt er þó, að Hallgrímur hafi ekki yfirgefið fóstra
sinn, sem þá hefur verið kominn um sextugt, ef Sigurður hefði þá
verið á lífi. Trúlegt er, að Sigurður hafi arfleitt Hallgrím, þar sem
hann átti ekki barn með konu sinni. Það bendir til, að Hallgrímur
hafi talið sig eiga Sigurði gott upp að unna, að hann lætur elzta
barn sitt heita eftir fóstra sínum. Sigurðar-nafnið er enn lifandi
meðal afkomenda Hallgríms.
Árið 1728 er Hallgrímur orðinn bóndi á Egg í Hegranesi og
hreppstjóri í Rípurhreppi, þá aðeins 29 ára gamall. Það ár fæðist
þar Sigurður sonur Hallgríms (sjá Ættir Skagfirðinga nr. 226). Kona
Hallgríms hét Guðrún Guðmundsdóttir, og áttu þau alls sex börn.
Líklegt er, að Hallgrímur hafi byrjað búskap á Egg og þá ungur.
Ekki hefur hann þó búið þar lengi, því árið 1735 er hann búandi
á Steini á Reykjaströnd, og enn býr hann þar 1762.
Hannes Þorsteinsson segir í formála fyrir Seyluannál, að Hallgrím-
ur hafi andazt árið 1769, og þá sjötugur að aldri. Sama segir Páll
1 Helga Símonardóttir á Hálsi var amma Hallgríms, móðir Ingiríðar,
seinni konu Halldórs Þorbergssonar, sbr. hér framar. Sigurður á Hálsi (bjó
þar á hálflendunni) var sonur Þorleifs bónda Sigurðssonar á Hofsá í Svarf-
aðardal. Sigurður Þorleifsson var seinni maður Helgu Símonardóttur, og sam-
kvæmt athugunum Stefáns Aðalsteinssonar ættfræðings mun hann hafa dáið
fyrir 1712, a. m. k. sést hann ekki það ár í tölu búenda í Eyjafjarðarsýslu.
1 Lögréttumannatali segir Einar Bjarnason Pál vera launson Halldórs Þor-
bergssonar, „en móðir hans hefur ef til vill verið sú Sesselja Bjarnadóttir,
sem 1703 er vinnukona í Melrakkadal..." (H. P.)
134