Tímarit Máls og menningar - 01.11.2012, Blaðsíða 71

TMM 2012 · 4 71
Olga Markelova
Tvö ljóð
KÆST SKATA
(Frumlegasta ástarljóð í heimi)
Ástin sem ég ber til þín er eins og kæst skata.
Undir stingandi gaddaskini leynist hvítt hold
og gegnsæir englavængir úr brjóski,
sem hvetja mann til að fljúga í gegnum
háhimna nautnar
og sökkva óttalaust niður á moldugan botn
þjóðleikans.
Ástin mín til þín er kæst skata.
Þegar fína fólkið sér hana,
þá hneykslast það og heldur fyrir nefið á sér
og flýr heim
til að njóta hamborgaraásta sinna
sem það fær heimsenda á hverju kvöldi
eins og tíðkast í velmegunar-
rotvarnarefna-
ríkjum.
Ástin mín til þín er skata.
Skrokkurinn klesstur af þungum vatnsmössum sorgar,
augun glampa útúr sandi og drullu
upp til himins.
Hún er í útrýmingahættu,
er tortímt á hverjum degi
af þungri botnleðju fjárhyggjunnar.