Hugur - 01.01.2015, Síða 11

Í minningu Páls 11
Undir lokin fór að bera æ meira á því leiðarstefi í hugsun hans að móta þurfi and-
legan skilning á náttúrunni til mótvægis við þá tæknidrifnu rányrkju sem menn
ástunda og leiðir til þess að náttúran ógnar nú gervallri mannlegri tilveru.
Í lokakafla nýju bókarinnar um Merkingu og tilgang skrifar Páll: „Hér stendur
Lífsvilji sjálfsverunnar órofa tengdur tilganginum andspænis náttúrunni og veit
að hann lýtur í lægra haldi nema honum takist að ná andlegu sambandi við nátt-
úruna, … tengja hana við tilganginn sem er að verki hvarvetna í heiminum. Að
mínum dómi er uppbygging nýrrar tilgangshyggju mikilvægasta verkefnið sem við
þurfum að sinna, ef við ætlum að leysa þau úrlausnarefni sem brenna á okkur um
þessar mundir.“7 Í huga Páls er í húfi sjálft „ævintýrið að vera til“, en hann notar
gjarnan það skáldlega orðalag um mannlega tilveru.
Við þessi afdrifaríku viðfangsefni glímdi Páll á síðustu vikum lífs síns. Svo lengi
sem vitund hans var virk – „meðan blakti á vitundarskarinu“, svo notað sé orðalag
hans sjálfs – tókst hann af heimspekilegri ástríðu á við það verkefni að „lýsa upp
þennan veruleika, sem að okkur berst með alls kyns hugmyndum og kenningum“.
Þannig skráði hann sig inn í merkingarheiminn þar sem við getum vitjað hans
um ókomin ár.
Með virðingu og þakklæti kveðjum við góðan vin sem auðgaði fyrir okkur æv-
intýrið að vera til.
Heimildir
Páll Skúlason 1995. Hugleiðingar í safnaðarheimili. Um trú, tjáningu og hugsun. Í
skjóli heimspekinnar. Erindi og greinar (bls. 170–181). Reykjavík: Háskólaútgáfan.
Páll Skúlason 2015. Pælingar III. Reykjavík: Háskólaútgáfan.
Páll Skúlason 2015a. Merking og tilgangur. Reykjavík: Háskólaútgáfan.
7 Páll Skúlason 2015: 130.
Hugur 2015-5.indd 11 5/10/2016 6:44:54 AM