Andvari - 01.03.1968, Blaðsíða 25
ANDVARI
KRISTINN ÁRMANNSSON REKTOR
23
jafns við eftirmann sinn; það var ungur málfræðistúdent, Kristinn Ár-
mannsson, en öll árin, sem eftir voru af ófriðnum og næstu ár á eftir var
hann okkur ómetanlegur aðstoðarmaður, vel gefinn og áreiðanlegur, og
óþreytandi að leggja á sig alla þá miklu vinnu, sem aðstæðurnar heimtuðu.
A þeim árum, sem mest var að gera fyrir 1919, nutum við einnig aðstoðar
Jóns Sveinbjörnssonar, en samt hefir mér ætíð fundizt ég standa í þakk-
lætisskuld við Kristin Ármannsson fyrir hinn stóra skerf, sem hann lagði
fram og óhjákvæmilega hlaut að tefja embættisnám hans.“
IV
Kennarastarfið.
Og minnumst þeirra, er merki skólans lyftu,
og margföld þökk skal öllum tjáð,
sem stóðu vörð um virðing hans og g'ftu
og vígðu honum líf og dáð.
Tómas Guðmnndsson.
Er Kristinn hafði lokið cand. mag. prófi í latínu, grísku og ensku við
háskólann með ágætum árangri, stóð honuin til boða kennarastaða við
menntaskóla í Danmörku með góðum kjörum. Sigurður Eggerz, sem þá
var forsætis- og dómsmálaráðherra, vildi tryggja Menntaskólanum str.rfs-
krafta þessa unga menntamanns, enda vildi Kristinn heldur fara heirn til
Islands, ef viðunandi starfsskilyrði byðust. Kom Sigurður Eggerz því til
leiðar, að Kristinn var ráðinn að Menntaskólanum frá 1. okt. 1923. Gilti
sú ráðning þó aðeins í eitt ár, fyrst um sinn.
Síðar, þegar Kristinn leitaði eftir formlegri veitingu, urðu um það mál
allmiklar umræður á þingi. Ráðuneyti Sigurðar Eggerz, sem bezt hafði
gengið fram í því að fá Kristin að skólanum, var nú ekki lengur við völd,
en ráðuneyti Jóns Magnússonar hafði tekið við.
Jónas Jónsson, sem þá var 5. landskjörinn þingmaður, deildi á Sigurð
Eggerz fyrir þessa ráðstöfun, sem hann taldi jafngilda því að verið væri
að stofna ný embætti án heimildar frá alþingi.