Andvari - 01.03.1968, Qupperneq 65

ANDVARI
GUÐIR OG SELIR í TRÚARBRÖGÐUM ESKIMÓA
63
mikilvægt að læra þessar reglur og að kunna að fara með skutul og boga. Lévy-
Brulil kom auga á þetta eins og margt annað, er hann sagði, að veiðarnar væru
raunverulega töfraathöfn: það væri eins mikið komið undir andlegum undirbún-
ingi veiðanna og hinum veraldlega viðbúnaði. Hæfni veiðimannsins er ekki
nóg: hann verður fyrst og síðast að vera gæddur hæfileika til þess að nálgast
dýrið og lá það til að koma í skotfæri.
Samfélag Mið-Eskimóa var veiðisamfélag. Trúarbrögð þeirra voru háð veið-
unum. Ferðir veiðidýranna réðu hrynjandi samfélagslífsins og ákvörðuðu form
samlijálparinnar. Hinn langi og strangi vetur mótaði afstöðuna til veiðidýranna
og i.’inna æðri máttarvalda. Boð og bönn voru aðferð Eskimóa til þess að lifa
af hina köldu heimskautanótt.