Uppeldi og menntun - 01.07.2012, Qupperneq 153

Uppeldi og menntUn/icelandic JoUrnal of edUcation 21(2) 2012 153
gUðrún geirSdÓttir
oftar en ekki eru það erlendar, alþjóðlegar kennslubækur sem ráða ekki aðeins inntaki
þekkingar heldur móta jafnframt kennsluhætti:
Viðfangsefnið er mjög plain og er kennt á mjög svipaðan hátt út um allan heim. Þannig
að þetta er ekkert mál að ákveða hvernig á að kenna þetta eða hvað [á að kenna].
Maður þarf kannski að velja kennslubókina, maður svona róterar henni, meira fyrir
sjálfan sig, líka þegar maður er orðinn þreyttur að kenna alltaf eins … svo maður
sofni bara ekki. (Háskólakennari í véla- og iðnaðarverkfræði)
Þegar að líður á verkfræðinámið fara nemendur hins vegar að sækja „alvöru“ verk-
fræðinámskeið, eins og viðmælendur orðuðu það gjarnan. Kennarar sem kenna slík
námskeið telja sig nú hafa meira svigrúm til að hafa áhrif á viðfangsefni námskeiða og
fara að tengja háskólagreinina æ meira íslenskum veruleika. Við það veikist flokkun
þekkingar og námskráin tekur á sig staðbundinn blæ sem er ólíkur alheimsnám-
skránni:
Og alveg sama hvernig við lítum á það, ef við ætlum að vera að gera eitthvað af viti í
einhverju vísindatengdu námi, þá er alveg ljóst að við munum aldrei geta keppt við
MIT [Massachusetts Institute of Technology] um status náms, nema í jarðhita og fiski
… Ég myndi halda það fyrir verkfræðideildina í heild; gott og vel, ég skal víkka þetta
út og taka hluta af byggingamálunum inn og segja: Jarðhiti – fiskur – jarðskjálftar
[bankar í borðið með þessum þremur orðum]. Búið. Á öðrum sviðum eigum við ekki
möguleika. (Háskólakennari í véla- og iðnaðarverkfræði)
Ný þekking finnur sér þó leið inn í námskrá verkfræðinnar. Á skorarfundi í desember
leggur ungur kennari í greininni til nýtt námskeið í kennsluskrá. Hann rökstyður
uppástungu sína með vísun til viðurkenndra háskóla víða um heim sem kenni sam-
bærileg námskeið. Á fundinum skapast miklar umræður um námskeiðið áður en
kennarahópurinn samþykkir það sem mögulegan hluta af námskrá greinarinnar:
Ungi kennarinn stingur upp á námskeiðsheiti sem skorinni finnst ekki passa og það
skapast talsverðar umræður um nafnið eða heitið á námskeiðinu og margir sem
blanda sér í þær og koma með uppástungur. Með þessu er eins og þau séu um leið
að reyna að átta sig á því um hvað námskeiðið sem kennarinn er að kynna fyrir þeim
snýst og átta sig betur á því. Er þetta það sama og þetta eða hitt? Ungi kennarinn
ýmist kinkar kolli eða hristir höfuðið og útskýrir og rökræðir sérstöðu námskeiðsins.
Einhver segir meira að segja: Við erum fastir í okkar eigin heimi. Og meinar þar að
það er þeim að einhverju leyti erfitt að taka inn eitthvað nýtt og öðru vísi í nám-
skrána. Þau benda á greinilega skörun við önnur námskeið og reyna að finna því
góðan stað og átta sig betur á þessu nýja viðfangsefni.
En um leið eru þau að gera hið framandi að sínu. Reyna að finna nýrri þekkingu
og hæfni pláss á þeirra sviði og þar með að bæta við það. Einhver bendir á tengingu
við hagfræðina enda er þetta að hluta einhvers konar stjórnun en annar segir: Nei,
þetta er okkar þankagangur. (Úr þátttökuathugun, skorarfundur í véla- og iðnaðar-
verkfræði)