Uppeldi og menntun - 01.07.2012, Page 199

Uppeldi og menntUn/icelandic JoUrnal of edUcation 21(2) 2012 199
J Ó H a n n a lú v í Sa re Yn i S d Ót t i r o g S i g rú n tÓ m aS d Ót t i r
hversdagslíf barna sé langt frá því að hún ráði því hvaða stefnu líf þeirra tekur. Hann
sýnir jafnframt fram á að börn leiki sjálf stórt hlutverk og hafi áhrif á gjörðir sínar og
þau samskipti sem þau taka þátt í. Þetta er í samræmi við margar eldri kenningar upp-
eldisfræðinnar, svo sem kenningar Eriksons, Piagets, Vygotskys og Bronfrenbrenners,
sem hann fjallar um í bókinni.
Okkur finnst sterkasta hlið bókarinnar vera fyrsti hluti hennar. Þar eru áherslum
mismunandi fræðasviða gerð góð skil á skýran og auðskiljanlegan hátt og fjallað er
um ólíkar kenningar um þroska barna. Auk þess er þar góð samantekt á fyrri rann-
sóknum. Bókin gæti nýst vel öllum þeim sem leggja stund á nám í uppeldisfræði,
félagsfræði, mannfræði eða á öðrum sviðum sem snúast um rannsóknir með börnum.
Það sem okkur þykir lærdómsríkast við niðurstöður Tudge var að öll börnin sem
rannsóknin tók til vörðu mestu af frítíma sínum við leik. Þetta sýnir að leikur er mikil-
vægur og öllum börnum sameiginlegur. Leikur barnanna var þó ólíkur eftir aðstæð-
um þeirra. Hvað varðar þá þætti daglegs lífs barnanna sem fylgst var með virtust
stéttarstaða, kynþáttur og menntun foreldra hafa þar meiri áhrif en sú menning sem
þau ólust upp við. Þannig virtust millistéttarbörn alin upp í Kenía og Finnlandi eiga
að mörgu leyti meira sameiginlegt en börn af ólíkum kynþáttum sem ólust upp í sömu
borg í Bandaríkjunum.
um hÖfundAnA
Jóhanna Lúvísa Reynisdóttir (jlr1@hi.is) lauk B.A.-prófi í uppeldis- og menntunarfræði
frá Háskóla Íslands í júní 2012. Hún stundar nám í afbrotafræði og stefnir á meistara-
nám í náms- og starfsráðgjöf.
Sigrún Tómasdóttir (sit13@hi.is) mun ljúka B.A.-prófi í uppeldis- og menntunarfræði í
febrúar 2013. Hún stefnir á meistaranám í uppeldis- og menntunarfræði með viðbótar-
diplómu í hnattrænum tengslum.