Tímarit Máls og menningar - 01.06.1998, Side 6

Halldór Kiljan Laxness
Bréf til Kristínar
Guðmundsdóttur
1. október 1959
Kæra vinkona,
þó ég sé ögn latur í sólarbreiskjunni, en einkum vegna óvanans að búa í
þessari hæð (bygð hér liggur alt að því helmíngi hærra en Esjan), ætla ég nú
að taka rögg á mig og skrifa þér nokkuð lángt bréf, uppblásinn af kjarki og
dugnaði gamalla mormónskra fleirkvænismanna og dýrlínga sem námu hér
land; og þarmeð ekki svíkja þig með öllu um það sem ég lofaði þér, óbeðið
þó, áður en ég fór, sumsé að snefla eitthvað upp um ættfólk mitt sem orðið
hefur hér innlyksa á þessari bakhlið túnglsins. Ég byrjaði með því að setjast
upp í hálfan dag í ættartöluhúsinu mikla þar sem allar ættartölur íslendínga
austan hafs og vestan eru skráðar á spjöld eftir góðu kerfi. Formaður
ættfræðistofnunarinnar er góður kunníngi minn síðan ég var hér síðast og
heitir Henry Christiansen, danskættaður, greindarmaður og vel að sér. Síðan
hef ég hitt íslenskættaða menn að máli svo tugum skiftir bæði hér í höfuð-
borginni, þar sem ég hef bækistöð, en einnig í Provo, Springville og þó
einkum og sérílagi í Spánarforkssveit þar sem ég hef verið einkagestur á
heimilum fjölda manna og einnig bygðarlagsins í heild, og gáfu þeir mér
gjafir.
Vitneskja sem þú hefðir gaman af, og ég skrifa þér eftir minnisblöðum, er
með öllu ósamantekin, en er gott efni í samantekt, ekki síst með tilliti til
nokkurra fylgiskjala sem ég sendi þér líka að láni, þángað til ég kynni að hafa
tíma til að vinna úr efninu á sannfræðilegum grundvelli, sem mér er náttúr-
lega ekki sérstaklega hugstæður í svip, með því ég nota nú efnið á annan hátt,
einsog þér er kunnugt um.
Ég ætla, áður en ég gleymi því, að geta um að eftir skrá sem Henry
Christiansen gróf upp um íslenska mormóna í mormónsku skjalasafhi
trúboðsins í Kaupmannahöfn, þá hafa 95 íslenskir mormónar flust búferlum
frá íslandi til Utah á tímabilinu frá 1874 til 1914. Eftir fyrsta mormónahóp-
inn, mormónana sextán, sem fóru fyrstir manna til búsetu í Vesturheimi milli
1850 og 60, varð hlé á brottferðum mormóna af íslandi til Utah í tuttugu ár.
4
TMM 1998:2