Tímarit Máls og menningar - 01.11.2012, Síða 48

48 TMM 2012 · 4
Ármann Jakobsson
Pillukerlingin
(Sannsögulegt ævintýri)
Mamma sagði stundum frá því þegar hún og frænka hennar barnungar
buðu sjálfum sér í kaffi til gæðakvennanna í götunni og sátu þar lengi dags
ræðandi landsins gagn og nauðsynjar ásamt öðrum fínum frúm. En dag
einn á kaffitíma drápu þær á dyr hjá einni allra vænstu nágrannafrúnni
sem reyndist ekki heima. Í staðinn þeytti galókunnug kona upp dyrum og
gargaði: „Pilliði ykkur í burtu“.
Lengi síðan léku þær frænkur svokallaðan „pillukerlingarleik“ sem var
þannig að önnur drap á dyrnar heima; hin þeytti þeim upp og æpti af öllum
lífs og sálar kröftum: „Pillaðu þig í burtu“. Löngu seinna laukst upp fyrir
mömmu að börnin höfðu í neyð sinni uppgötvað vel skilgreinda aðferð sál-
fræðinnar til að komast yfir trámatísk atvik með leik og endurtekningu.
Kerlingu sá hún aðeins þetta eina sinn og aldrei komst hún að því hver
hún var.