Andvari - 01.01.1930, Blaðsíða 33

Andvari
Pétur Jónsson á Gautlöndum.
29
við þá af samþingismönnum sínum, er að kaupfélögum
stóðu heima í héruðum.
Hafði þetta þann árangur, að á þingi 1895 bindast
nokkrir alþingismenn, í nafni tiltekinna kaupfélaga, sam-
tökum til að koma á fót ársriti, er heita skyldi >Tímarit
kaupfélaga*.
Pétur á Gautlöndum tókst á hendur ritstjórn þess og
sá um útgáfuna. — Ekki komu út nema tvö hefti af
riti þessu, árin 1896 og 1898. En þótt útgáfa þessa rits
væri ekki langvinn, skorti þar ekki efni það, er nýtt
þótti, lýsti ákveðinni stefnu og var af djörfung fram
borið. — Fyrra heftið var eingöngu ritað af stjórnönd-
um kaupfélags Þingeyinga (Pétri á Gautl., Ðenedikt á
Auðnurn og Sigurði á Vztafelli). En í síðara heftinu
kemur fram hin merka ritgerð Guðjóns Guðlaugssonar
um stofnsjóði kaupfélaga. Þessu riti hefur Jónas Jóns-
son lýst rækilega í tímariti samvinnufélaganna, grein
sinni »Samvinnuhreyfingin á íslandi*.
Pétur taldi, að sér hefði mjög brugðizt vonir um hlut-
töku annarra félaga og samheldni um þetta. Hann hafði
hugsað sér að birta í ritinu starfs- og hagskýrslur félag-
anna. Fá þannig brugðið birtu yfir starfsaðferðir á hverj-
um stað og í heild sinni. Slík opinber kynning vænti
Pétur, að reynast mundi félögunum holl og gæti komið
að miklu gagni.
En þetta fekkst ekki nema úr Þingeyjarsýslu.
Féll svo niður í bráð framkvæmd þeirrar tímarits-
hugsjónar.
Árið 1902 gera kaupfélögin þrjú í Þingeyjarsýslu sam-
band með sér, »Sambandskaupfélag Þingeyinga*. Pétur
á Gautlöndum varð formaður þess hin fyrstu ár, en síðar
var Steingrímur sýslumaður það um nokkur ár.