Búnaðarrit - 01.01.1911, Page 28
24 BÚNAÐARRIT.
En á þetta er hægt að hafa meiri áhrif með sáðsléttu
en þaksléttu.
Margt fleira mætti um þetta segja, en eg verð að
láta þetta nægja. Ætti að ræða ítarlega um þessa að-
ferð, hefði það eitt verið hér meir en nægilegt umtals-
efni, og hið sama má segja um flagsléttu aðferðina.
Eg skal taka það hér fram, að vel getur komið til
greina að sameina þessar tvær aðferðir að meira eða
minna leyti, með því t. d. að sá í flagsléttu nokkru
grasfræi til að flýta uppgræðslunni, og hinsvegar með
því að hafa undirbúningstíma sáðsléttunnar sem styztan,
til þess að sem mest af hinni upphaflegu grasrót geti
orðið sáðgrasinu til hjálpar til að mynda nýjan grassvörð.
Þá skal eg nú lýsa nokkuð framkvæmd sáðsléttunnar.
Gerum iáð fyrir, að sá er þetta vill reyna taki til
þess móablett í túnjaðrinum. Þetta land er þá plægt
upp að haustinu. Þess þarf að gæta við plæginguna, að
strengirnir snúist sem bezt við. Þarf að laga með kvísl
þar sem plógurinn ekki skilur vel við strenginn. Ef
þetta er gert, verður herfingin miklu auðveldari. Seinast
á -haustinu, áður en frost koma til fulls, þarf að jafna
flagið með grunnri herfingu, til að fá yfirborðið sem
sléttast.
Snemma að vorinu — eða í vetrarblotum — þegar
klaki er þiðnaður svo, að 3—4 þuml. eru niður að hon-
um, á að byrja að herfa, og herfa nú sem bezt það sem
þýtt er orðið. Vinst nú flagið vel á klakanum. Ef flagið
getur þornað dálítið eftir herfinguna, ætti að valta það
með sléttum valtara. Þegar nú dýpkar meira á klakan-
um, en strengirnir eru þó enn frosnir niður, skal endur-
taka klakaherfinguna og láta herfið fylgja klakanum,
sem þá er á jafnri dýpt undir yfirborðinu alstaðar. Ef
sá skal í reitinn þegar á fyrsta vori, ætti að flytja á-
burðinn á flagið milli herfinga, dreifa honum sem jafn-
ast og láta hann herfast niður með seinni herfingunni.
Nú getur verið um tvent að veija, annaðhvort að