Búnaðarrit - 01.01.1911, Page 105
BÚNAÐARRIT.
101
200 kr. og til að kynna sér búfjársýningar þar í landi
100 kr., Jón S. Trampe til búnaðarnáms á Stóra Hofi í
Noregi 150 kr., Sigurður Pálmason frá Æsustöðum til
garðyrkjunáms í Noregi 200 kr., Einar Jónsson og Skúli
Gunnlaugsson til ársvistar erlendis við verklegt búnað-
arnám og náms við bændaskólanu á Dalum, 100 kr.
hvor, og 7 menn aðrir til ársvistar í Danmörku og Nor-
egi við verklegt búnaðarnám 100 kr. hver.
Þeir bræður Hallgrímur og Jón Þorbergssynir höfðu
fengið styrk, 300 kr. og 200 kr., til verklegs sauðfjár-
ræktarnáms á Bretlandi, en sá styrkur var greiddur
af Liebesgjöf.
Af gjaldl. 9, kostnaði við mjólkurmeðferðarkenslu á
Hvítárvölium og eftirlitsferðir H. Grönfeldts kennara til
rjómabúanna, varð afgangur kr. 222,52. En á þessu ári
má búast við talsverðri umframgreiðslu á þeim lið, því
að í ljós hafa komið talsverðar skemdir á mjólkuxskóla-
húsinu, og verður að gera við það í sumar.
Til hússtjórnarkenslu og matreiðslu (gjaldl. 10.) hefir
verið lítilsháttar umframgreiðsla, kr. 6,95. Það var nú
í vetur i fyrsta sinni, að kostur var á tveim stúlkum
til þeirrar kenslu. Hefir önnur kent í Austfirðingafjórð-
ungi — um þá kenslu er ekki enn komin skýrsla — en
hin í Vestur-Skaftafellssýslu, Rangárvalla og Árness.
Kensla sú var mikið notuð í Vestur-Skaftafellssýslu, en
minna í Rangárvalla og Árness sýslum. Næsta vetur er
búist við að sú kensla sunnanlands og vestan verði í Dala-
sýslu, Mýra og Borgarfjarðar, ef ekki vantar kenslukonu.
Eru óskir komnar um kensluna úr þeim sýsium. Nú
eru þrjár stúlkur erlendis, í Danmörku og Noregi, að
búa sig undir slíka kenslu, og verður þá væntanlega ekki
skortur á matreiðslukennurum næstu árin.
Af gjaldl. 11. (sýningu verkfæra) gengu kr. 53,57.
Verkfæri voru keypt fyrir miklu meira en hina áætluðu
upphæð, en mikið af þeim selt aftur og verð þeirra dregið
frá; því varð þessi afgangur.