Búnaðarrit - 01.01.1911, Síða 157
BÚNAÐARRIT.
153
Pétur Jónsson, umboðsmaður á Gautlöndum,
Sigurður Stefánsson, prestur í Vigur,
Stefán Stefánsson, skólameistari á Akureyri,
Þórarinn Benediktsson, bóndi í Gilsárteigi,
Þórhallur Bjarnarson, biskup, í Reykjavík.
Á þessum fundi var Eggert Briem ekki viðstaddur
sökum sjúkleika.
Forseti skýrði frá fulltrúakosning sýslunefnda og
aðalfundar, og lagði fram skýrslur um atkvæðagreiðslur
sýsluneíndanna. Kosningarnar allar voru teknar gildar.
Jón bóndi Bergsson á Egilsstöðum hafði skýrt frá
því með símskeyti, að hann gæti eigi sótt búnaðarþing.
Þá var tiikvaddur í hans stað varafulltrúinn, sem kos-
inn hafði verið samtímis honum, Gunnar hreppstjóri
Pálsson á Ketilsstöðum. Hann tilkynti einnig forföll.
Þá var tilkvaddur hinn varafulltrúinn, Þórarinn bóndi
Benediktsson, og var hann nú kominn til þings. Loks
tilkynti Gisli bóndi Högnason á Búðum, að hann gæti
af atvikum ekki sótt búnaðarþingið. Var því eigi á þessu
þingi nema einn fulltrúi fyrir Austuriand.
Guðjón kaupfélagsstjóri Guðlaugsson á Hólmavík
hafði einnig tilkynt forföll, og var í hans stað tilkvaddur
og mættur á búnaðarþingi varafulltrúinn, sem kosinn
var samtímis honum, séra Sigurður Stefánsson.
Fram voru lögð lögmælt fundarskjö), prentuð.
Forseti stakk upp á, að kosnar væru þessar fastar
nefndir:
reikninganefnd,
fjárhagsnefnd,
jarðræktarnefnd,
búfjárræktarnefnd,
sölunefnd sveitavöru,
búnaðarfræðsluneínd,
°g væru í þeirri, er fyrst er talin, 3 menn, en i hinum 5.
Var það samþykt í einu hljóði.