Búnaðarrit - 01.01.1911, Síða 205
BÚNAÐARRIT.
201
sumarmál, eða um miðjan maí, ef seint vorar. Sú skoö-
un yrði einkum til þess að ganga úr skugga um, hvort
nokkur hreppsbúa er á leiðinni til að komast undir
hegningarákvæði horfellislaganna. Sé þá einhver fjár-
eigandi illa staddur, þurfa eftirlitsmennirnir að geta vís-
að hlutaðeiganda á fóður. Pá þarf að vera til fóður-
forðabúr. Það er ekki ólíklegt, að flestir mundu hyka
við að horkvelja fénað sinn, ef eftirlitsmennirnir gætu
vísað þeim á fóður, og þeir vissu fyrir, að þeir yrðu
kærðir ef þeir gerðu fénað sinn horaðan. En þegar
komið er fram á sumar munu fáir fara að skera fénað
sinn, þó þeim sé hótað horfellissektum.
Samkvæmt 8. gr. eiga eftirlitsmenn að sæta alt að
50 kr. sektum, ef þeir vanrækja skyldur sínar. En hvað'
á að gera við hreppstjóra, ef hann vanrækir að tilkynna
sýslumanni, þó hann sjái af skýrslum eftirlitsmanna og
viti á annan hátt, að einhver af hreppsbúum hafi gert
fénað sinn horaðan, eða jafnvel drepið eitthvað úr hor..
Og hvað á að gera við sýslumann, ef hann vanrækir að
grenslast á manntalsþingum nákvœmlega eftir því, hvort
horfellislögunum hafi verið hlýtt eða brot framið gegn
þeim? Á þetta minnast lögin ekki. En mundi hvorugt
þetta geta komið fyrir?
Fóðurkaup, korn eða annað fóður frá útlöndum
hafa sumir talið gott ráð til þess, að bændur þurfi ekki
að skerða bústofn sinn, þegar heyfengur heflr orðið svo
lítill að sumrinu, að sýnilegt er, að hann nægi ekki, ef
fullharður vetur kemur á eftir. Ekki mun samt þessi
tillaga hafa enn þá fengið mikið íylgi, og verð eg að telja
það vel farið. Útlenda fóðrið fæst að sjálfsögðu ekki ódýrara
en bændur í því landi, sem fóðrið kemur frá, vilja gefa fyrir
það handa sínum fénaði. En útlendu bændurnir geta
að jafnaði borgað fóðrið hærra verði en við, af því að
þeir fá miklu hærra verð fyrir arðinn af sínum fénaði
en við fáum. Við markaðsverð útlenda fóðursins yrðum
við svo að bæta flutningsgjaldi til landsins ogflutnings-