Búnaðarrit - 01.01.1911, Page 262
258
BÚNAÐAKRIT.
megi. Útlit er og til þess, að þau svæði, sem eru ekki
orðin nægilega myldin, muni verða það eftir 1—2 sum-
ur. Auðvitað verður ekkert sagt um þetta atriði með
fullri vissu, af því að myldun og rotnun jarðvegarins er
mjög mikið komin undir tíðarfarinu. Mannshöndin get-
ur aðeins hjálpað náttúrunni, en plæging, herfing og
hafrasáning er ekki ein nægileg til þess að leysa í sund-
ur og breyta efnunum þannig, að þau geti orðið jurtun-
um að liði. Það er náttúran, sem verður að vinna
það verk.
Jarðvegurinn í tilraunastöðinni virðist fremur frjór.
Nokkuð af honum er gömul mýri, en ofan á henni lágu
grjót- og aurskriður. Eftir að grjótinu var rutt í burtu,
þá kom undir því 2—3 feta djúpt lag af gamalli mýr-
arjörð. Hinn hlutinn, nál. helmingur af öllu landinu, er
jarðvegsgrynnri en myldnari. Þó mun jarðvegurinn hvergi
grynnri en rúmlega fet. Allur jarðvegurinn á sammerkt i
því, að hann er óvanalega seigur og rætinn. Er hann
því lengi að rotna og verða myldinn. í honum er einnig
mjög mikið af járnsamböndum, sem þurfa að súrna og
skolast í burtu.
Það sem mun reynast einna erfiðast er að koma
í veg fyrir vatnsgang að vorinu og haustinu. Landinu
hallar öllu og hlíðin ofan við það er sírök. Það er því
mjög miklum erfiðleikum bundið, að ræsa landið fram
svo vel sé, og má búast við, að sú framræsla, sem þeg-
ar er gerð, muni þurfa nokkurrar endurbótar við,til þess að
gera hana nægilega trygga hvernig sem viðrar.
Eg hefi þá föstu sannfæringu, að land þetta geti
orðið mjög frjótt innan skams tíma. Eg sé heldur enga
ástæðu til þess að festa trúnað á það, að veðurátta hér
um slóðir sé þeim mun óblíðari en títt er annarstaðar
á landinu, að hún þurfi að verða Þrándur í Götu fyrir
ræktun þess. Þvert á móti hygg eg að sumarveðurátta
hér sé yfirleitt vel fallin til garðræktar. Hér eru
vanalega 2—3 mánuðir af árinu mjög þurrir og hlýir,