Búnaðarrit - 01.01.1911, Page 328
308
BÚNAÐARRIT.
Um vatnskassa er hið sama að segja og um IV.,
nema að hann ætti hér að standa minst 6 þl. ofar gólfi,
ef veita ætti úr honum 1 rennurnar undir jötunum, og
er því nánar lýst við mynd VI.
Á bakhlið fjóssins geri eg ráð fyrir að sé engir eða
þá mjög litlir gluggar. Sú hlið snúi mót kuldaáttinni,
og væri að líkindum nauðsynlegt, að hlaða sniddu upp
með þeim vegg að utan til skjóls. Bent skal á það, að
eftir þessu formi er mjög auðvelt að stækka fjósið —
gera hesthúsið alt eða nokkuð af því að fjósi.
Þak hesthússins ætti að hafa svipaðan umbúnað
sem fjóssins.
Ef til viil þykir ekki heppilegt að láta fjósþakið
koma þannig að hlöðuvegg, sem hér er sýnt, en ekki
tel eg vandkvæði á því. Auðgert að búa um rennu
undir þeim samskeytum, er flytji burtu vatn það, er
kynni að renna niður milli plötubrúnar og veggjar.
Gluggar yfir dyrum er ætlast til að gerðir sé á þann
hátt, að gert er glergróp í dyraslána að ofan og stafina
til hliða, og eins silluna (vegglægjuna) neðanverða (Líka
má í þess stað negla þunnar fjalir innan í gluggaopið
alt í kring, og myndi þær glergrópið). Síðan eru bútar
af gluggarimlajárni („sprossajárni") festir í milli slánna
með hæfilegu bili eftir rúðustærð. Þetta tel eg beztan
umbúnað á slikum gluggum, og er gert ráð fyrir öllum
dyragluggum þannig gerðum.
Myndin VI.
Þessi uppdráttur er af samskonar fóðurgangi og
sýndur er á V., með vatnsrennu. Það er mikið verk, að
vatna mörgum gripum úr fötum, þó að vatn sé tekið
inni. Að búa út vatnsleiðslu í bás hvern, eða milli hverra
tveggja bása, og með sjálfstillandi rensli, svo að kýrnar
geti drukkið hvenær sem þær vilja, er alt of dýrt, enda
ósannað, að svo mikið sé við það unnið, sem sumir
hyggja. Steyptar jötur, fyrir bæði vatn og hey, eiu