Uppeldi og menntun - 01.07.2012, Síða 182

Uppeldi og menntUn/icelandic JoUrnal of edUcation 21(2) 2012182
nÁmSkrÁ í HeilSUrækt
sjónarhorni en á ekki að vera eitt af meginmarkmiðum greinarinnar. Framsetning á
hæfniviðmiðunum og lokamarkmiðum er ekki nægilega vel ígrunduð. Það kom vel
fram hjá starfandi íþróttakennurum á fundi í Ingunnarskóla 14. ágúst á þessu ári þar
sem námskrárdrögin voru kynnt. Þar var bent á viðmið sem ekki voru nægilega sann-
færandi og í andstöðu við einn af grunnþáttunum sex, jafnrétti til náms. Þá er flokkun
lokamarkmiða heldur ekki eins og best verður á kosið. Þeim þarf að breyta verulega
með heilsutengd markmið að leiðarljósi.
Það vantar hugsjónina í verkið til að grunnskólar geti blásið til sóknar í heilsu-
uppeldi og að íþróttakennarar geti í ljósi fagmennsku sinnar lagt fram metnaðarfullar
áætlanir um heilsueflandi grunnskóla. Í stað námskrár í íþróttum mætti kalla hið nýja
gagn námskrá í heilsurækt eins og áður hefur komið fram. Orðið heilsurækt er í takti við
þá vídd sem er að finna í almennum hluta aðalnámskrár, í takti við heilbrigðis- og vel-
ferðarhugtakið í grunnþáttum menntunar og í takti við það sem vísindamenn á sviði
lýðheilsu leggja til að hlúð verði að.
lokAorð
Í almennum hluta aðalnámskrár er víða vel að orði komist. Það er ánægjulegt að sjá
grunnþætti menntunar setta fram á þennan hátt og ögra þannig námsgreinum til
stefnumótunar. Drög að nýjum námskrám dansa eftir eigin höfði í stað þess að tengja
sig við grunnþættina sex eins og ráðuneytið kallar eftir svo úr verði heilsteyptur flokkur
námskráa. Endurvinna þarf námskrárdrög í skólaíþróttum frá grunni með markvissari
tengingu við almenna hlutann og þá hugmyndafræði sem heilbrigðis-, velferðar- og
menntakerfið vilja sjá í komandi framtíð. Þá fyrst er sköpuð hugsjón og hugmynda-
fræði fyrir starfandi kennara og skólakerfið í heild til að vinna eftir.
Ábyrgð skóla á lýðheilsu þjóðar er gífurleg. Tækifærin eru einnig óþrjótandi í ljósi
breyttra tíma, nýrrar tækni og nýsköpunar. Skólakerfi landsins á að byggja upp og
hlúa að lýðheilsu Íslendinga með umgjörð sem eflir heilsu einstaklingsins í samfélagi
við aðra. Þar eiga sérfræðingar að vera íþróttakennarar eða kennaramenntaðir íþrótta-
fræðingar með fjölþætta menntun að baki. Það þarf að opna augun fyrir fjölþættum
möguleikum heilsuuppeldis, færa þau til bókar með nýrri nálgun og samþættingu við
grunnþætti menntunar og aðrar námsgreinar. Ekki síst þarf að auka til muna líkamlega
virkni nemenda í grunnskólum og gera kennsluna í skólunum aflvaka nýrra leiða í
heilsurækt og forvörnum. Rannsóknir Kibbe og félaga (Kibbe o.fl., 2011) sýna að aukin
samþætting líkamlegrar virkni og almenns náms í grunnskóla ýtir undir einbeitingu
og áhuga nemenda á öllu námi, sem aftur hjálpar nemendum að ná markmiðum um
daglega hreyfingu og skólum að uppfylla stefnumarkandi kröfur um heilsuhreysti og
velferð.