Skírnir - 01.01.1977, Blaðsíða 53

SKÍRNIR KVENNARANNSÓKNIR í BOKMENNTUM 51
The male critic, only recently exposed (i£ at all) to women’s language (writ-
ten or otherwise), could not possibly begin to analyse it adequately; the
best of our women critics and scholars will hardly be adequate to the enor-
mous task — but at least they will begin from a necessarily more informed
base.si
Þau mismunandi viðhorf sem koma fram hjá Louise Vinge og
Annette Kolodny hreyfa við einu helsta deilumáli og raunar
grundvallaratriði í öllum kvennarannsóknum. En það er af-
staðan milli kyns og stéttar.
Sjónarmið Annette Kolodny er „feministískt" og má segjast
einkennandi fyrir bandarískar rannsóknir. Konur eru skilgreind-
ar út frá sérstökum kvenlegum eiginleikum, og talað er um
„kvennamenningu" í andstöðu við „karlamenningu", sbr. t.a.m.
forskriftarreglur Cheri Register hér að framan, þar sem eitt
takmarkið er „sam-menning“. Rökrétt afleiðing þessa sjónar-
miðs er sú að konur einar séu hæfar til kvennarannsókna.
Andstæða þessa sjónarmiðs er það, að konur séu svo ósam-
stætt hugtak, að kvennarannsóknir eigi engan rétt á sér. Skv.
þessu eru konur ekki áhugaverðar sem konur, heldur sem hlutar
af stétt á sama hátt og karlmenn. Hið eina sem þær eru taldar
eiga sameiginlegt er líffræðilegt hlutverk þeirra sem mæður og
eiginkonur. Með því að skilgreina konur sem sérstakan hóp og
kvennarannsóknir sem sérstakt rannsóknarsvið sé verið að breiða
yfir hinar raunverulegu andstæður þjóðfélagsins.
Ég vil fyrir mitt leyti hafna báðum þessum sjónarmiðum.
„Feministíska“ sjónarmiðið er á vissan hátt einangrunarstefna
og tekur ekki nægilegt mið af þjóðfélagsheildinni. Baráttan
beinist gjarnan gegn karlmönnum sem slíkum í stað þess þjóð-
félagskerfis sem heldur kvennakúguninni uppi og hagnast á
henni. Á hinn bóginn er það Ijóst að konur eiga mikið sameigin-
legt sem hafið er yfir stéttaskiptinguna. Allar eru þær aldar
upp í því skyni að verða eiginkonur, húsmæður og mæður, og
staða þeirra er fyrst og fremst innan fjölskyldunnar og heim-
ilisins.
Staða kvenna ákvarðast sem sagt bœði af kyni og stétt. Sjálft
orðið kvennarannsóknir ber með sér að kynskilgreiningin er
sú sem gengið er út frá. Hópinn konur mætti þá skilgreina sem