Heilbrigt líf - 01.12.1941, Side 47

Þegar maurinn nagar og særir húðina á óteljandi stöð-
um, fylgir því heiftugur kláði, svo að sjúklingurinn rífur
sig allan og klórar, bæði í vöku og svefni. Við það rifnar
ofan af vessablöðrunum, sem myndazt hafa, þar sem maur-
inn hefir sært hörundið. Óhreinindi berast ofan í fleiðr-
in undan nöglum sjúklingsins. Vessablöðrurnar breyt-
ast í graftarnabba, sein seinna geta orðið að blárauðum
bólguþrymlum, er oft ganga alldjúpt ofan í húðina. Þann-
ig greiðir sjúklingurinn sjálfur sjúkdómnum götu, bæði
með því að særa hörundið, svo maurnum veitir auðveld-
ara að bora sig ofan í það, og jafnframt flytur hann egg
og maura á fingurgómunum og undir nöglum sér út um
allan líkamann.
Þar við bætist svo, að ofan í þessi smásár og fleiður
kunna að berast graftarsýklar. Þeir valda vessandi graftar-
kaunum, sem eru oft mjög þrálát og er erfitt að græða
þau, jafnvel þó kláðinn sjálfur sé læknaður. Þessi fylgi-
kvilli, sem einnig var vel þekktur hér á landi fyrr á öld-
um, og gekk undir nafninu „graftarkláði", gerir mikið
vart við sig, í kláðafaraldri þeim, sem gengið hefir yfir
landið á síðastliðnu ári.
Venjulega er kláði auðþekktur sjúkdómur. Gangarnir,
vessablöðrurnar, kláðaútbrotin, einkum á þeim stöðum,
sem fyrr var getið, eru augljós einkenni. Þar við bætist
að sjaldan bregzt, að fleiri en einn á heimilinu taki sjúk-
dóminn, stundum jafnvel allir heimilismenn.
Komið getur þó fyrir, að sjúkdómseinkenni séu mjög
óglögg, t. d. hjá fólki, sem baðar sig daglega og gætir
mikils hreinlætis, eða hjá þeim, sem fengið hafa ófull-
nægjandi lækningu áður, en ekki losnað við sjúkdóminn
til fulls.
Kláði er venjulega auðlæknaður sjúkdómur. Brennisteinn
er bezta lyfið við kláða. Sjúklingurinn er látinn baða sig
rækilega upp úr heitu grænsápuvatni. Gott er jafnvel að
Heilbrigt líf
151